परभणी येथे बालाजी कांबळे यांना “समाजभूषण पुरस्कार”
परभणी, दि.२५ ऑगस्ट – गुरु रविदास चॅरिटेबल ट्रस्ट व आदित्य सेवाभावी संस्था यांच्या संयुक्त विद्यमाने आयोजित कार्यक्रमात देगलूरचे दिव्यांग बांधवांचे कार्यकर्ते बालाजी यादवराव कांबळे यांना “समाजभूषण पुरस्कार” देऊन गौरविण्यात आले.
हा पुरस्कार अपंग बांधवांसाठी त्यांनी केलेल्या निस्वार्थ कार्याची पोचपावती असल्याचे त्यांनी सांगितले.
यावेळी मा. श्री. व्यंकटरावजी दुधंबे, अंकुश जोगदंड यांच्यासह अनेक मान्यवर उपस्थित होते.
बालाजी कांबळे यांनी या सन्मानाबद्दल आयोजक संस्था व मान्यवरांचे मनःपूर्वक आभार मानले.