देगलूरमध्ये भव्य दहीहंडी उत्सव : सांस्कृतिक कार्यक्रमांची मेजवानी
देगलूर, दि.२५ ऑगस्ट – देगलूर शहरातील व तालुक्यातील लावणी प्रेमी जनतेस खुशखबर दहीहंडी निमित्ताने देगलूर शहरात यावर्षीही भव्य स्वरूपात दहीहंडी उत्सवाचे आयोजन करण्यात आले आहे.
याबाबत सविस्तर वृत्त असे आहे की आज दिनांक २५ ऑगस्ट रोजी हा सोहळा मोंढा मैदान, देगलूर येथे सायं. ६ वाजता मोठ्या उत्साहात पार पडणार आहे.
कार्यक्रमाचे अध्यक्षस्थान मा.आ. जितेशभाऊ अंतारपुरकर (आमदार, देगलूर-बिलोली विधानसभा) हे भूषविणार असून, उद्घाटक म्हणून मा. एकनाथ दादा पवार (भाजपा नेते, लोहा-कंधार विधानसभा) उपस्थित राहणार आहेत.
यावेळी मा. माधवराव पा. उच्छेकर (जिल्हा परिषद सदस्य, भाजप नांदेड), मा. बाबलू अण्णा टेकाळे (सामाजिक कार्यकर्ते, देगलूर), मा. नागनाथ लोखंडे (भाजप शहर अध्यक्ष, मुदखेड), मा. ऍड. शिवानंद टेकवाड (छ.
संभाजीनगर खंडपीठ वकील संघ सदस्य), मा. भारत सुर्यवंशी (तहसीलदार, देगलूर), मा. सौ. निलम ताई कांबळे (मुख्याधिकारी, नगर परिषद देगलूर) तसेच मा. मारोती मुंडे (पोलीस निरीक्षक, पो.स्टे. देगलूर) यांची प्रमुख उपस्थिती लाभणार आहे.
कार्यक्रमात सुप्रसिद्ध अभिनेत्री ज्योत्स्ना सपकाळ यांच्या लावणीच्या शानदार सांस्कृतिक कार्यक्रमाचे आयोजन करण्यात आले आहे.
या भव्य दहीहंडी सोहळ्याचे आयोजन बालाजी बळीराम मैलागिरे यांच्या पुढाकाराने करण्यात आले असून, शहरातील नागरिकांनी मोठ्या संख्येने उपस्थित राहावे, असे आवाहन करण्यात आले आहे.