लोणी (ता. देगलूर) येथे अण्णाभाऊ साठे यांच्या पुतळ्याचे अनावरण व सभामंडपाचे लोकार्पण
लोणी (ता. देगलूर) येथे साहित्यरत्न, लोकशाहीर अण्णाभाऊ साठे यांच्या भव्य पुतळ्याचे अनावरण तसेच अण्णाभाऊ साठे सभामंडपाचे लोकार्पण सोहळा उत्साहात पार पडला. या कार्यक्रमात सामाजिक, शैक्षणिक आणि सांस्कृतिक ऐक्याचा सुंदरतेने अनुभव आला.
याच वेळी कामाच्या ठिकाणी महिलांना लैंगिक छळापासून संरक्षण देणारा हक्क व सुरक्षिततेविषयी सविस्तर माहिती असलेले “POSH कायदा – तुमचा सुरक्षिततेचा हक्क” हे पुस्तक प्रकाशित करण्यात आले. या प्रकाशनामुळे ग्रामीण भागातील महिलांना जागरूकता मिळून कामाच्या ठिकाणी स्वतःचे अधिकार ओळखण्यास मदत होणार आहे.
या कार्यक्रमाला देगलूर पंचायत समितीचे सभापती मा. श्री शिवाजीराव देशमुख बळेगावकर, युवा नेते मा. श्री अभय देशमुख कावळगावकर, मा. श्री मच्छिंद्र गवाले, मा. श्री प्रवीण पाटील, मा. श्री पप्पू रेड्डी, मा. श्री गजेंद्र पाटील, मा.
श्री नारायण शिंदे, मा. श्री संतोष चिद्रावार, मा. श्री उत्तम मोरेवाडी, मा. श्री गंगाधर सूर्यवंशी तसेच आमचे सहकारी ज्ञानेश्वर गायकवाड, सचिन सूर्यवंशी, मधुकर सूर्यवंशी, मोईन शेख, भीमराव, संतोष यांच्यासह गावातील सरपंच, उपसरपंच, प्रतिष्ठित नागरिक, महिला भगिनी आणि मोठ्या संख्येने विद्यार्थी व समाजबांधव उपस्थित होते.
हा कार्यक्रम सामाजिक न्याय, महिला सक्षमीकरण आणि समाजातील एकात्मतेचा संदेश देणारा ठरला.