नांदेड दि.२७ :- स्वामी रामानंद तीर्थ मराठवाडा विद्यापीठ, नांदेड व स्वामी विवेकानंद महाविद्यालय, शिरूर ताजबंद यांच्या संयुक्त विद्यमाने नुकत्याच पार पडलेल्या विभागीय बॅडमिंटन स्पर्धेत देगलूर महाविद्यालयाच्या मुलींच्या संघाने उल्लेखनीय कामगिरी करत उपविजेतेपद पटकावले.
संघात गुजलवाड मयुरी, बंडे संगीता, बंडे रेणुका व इंगोले अवंतिका या खेळाडूंचा समावेश होता. या संघाचे प्रशिक्षण डॉ. निरजकुमार उपलंचवार यांनी केले तर प्रा. दीपक वावधाने व प्रा. सिताराम हाके यांनीही सहकार्य केले.
या यशाबद्दल अडत व्यापारी शिक्षण संस्था व महाविद्यालयाचे प्राचार्य, उपप्राचार्य, सर्व प्राध्यापक व विद्यार्थ्यांनी खेळाडूंचे अभिनंदन केले.