पूणे प्रतिनिधी,दि३१:- सावित्रीबाई फुले पुणे विद्यापीठामार्फत दिनांक १५ जून २०२५ रोजी घेण्यात आलेल्या महाराष्ट्र राज्य पात्रता परीक्षा (M-SET) मध्ये लातुर जिल्ह्यातील कासार शिरशी येथील कै राजेंद्र लवंद व उषा लवंद यांची कन्या सुषमा राजेंद्र लवंद यांनी इंग्रजी विषयात पात्रता मिळवून उल्लेखनीय यश संपादन केले आहे.
महाराष्ट्र आणि गोवा राज्यामध्ये असिस्टंट प्रोफेसर पदासाठी पात्रता मिळवून त्यांनी आपली गुणवत्ता सिद्ध केली आहे. परीक्षेचा निकाल ३० ऑगस्ट २०२५ रोजी जाहीर करण्यात आला.
सुषमा लवंद यांनी पदव्युत्तर पदवी पूर्ण केल्यानंतर ही परीक्षा दिली होती. या यशामुळे शैक्षणिक क्षेत्रात त्यांना नवीन संधी उपलब्ध होणार आहेत. त्यांच्या या यशाबद्दल सर्व स्तरावरून अभिनंदनाचा वर्षाव होत असून, कुटुंबीय, नातेवाईक, मित्रपरिवार आणि शैक्षणिक क्षेत्रातील मान्यवरांनी त्यांचे कौतुक केले आहे.