वयात येताना होणाऱ्या बदलांबाबत खुला संवाद आवश्यक – डॉ. अतनूरकर

वयात येताना होणाऱ्या बदलांबाबत खुला संवाद आवश्यक – डॉ. अतनूरकर

देगलूर प्रतिनिधी,दि.२४:- महाविद्यालयीन विद्यार्थ्यांच्या पौगंडावस्थेतील मानसिक, भावनिक, लैंगिक, शारीरिक बदल पालक; शिक्षकांनी समजून घेतले पाहिजे असे प्रतिपादन नांदेड येथील जेष्ठ सुप्रसिद्ध स्त्रीरोगतज्ञ डॉ. किशोर अतनूरकर यांनी केले.

ते येथील अडत व्यापारी शिक्षण संस्था संचलित देगलूर महाविद्यालयातील विद्यार्थ्यांना “पौगंडावस्थेतील मानसिक व शारीरिक बदल” या विषयावर सचित्रपणे मार्गदर्शन केले याप्रसंगी ते बोलत होते.

कार्यक्रमाच्या अध्यक्षस्थानी प्राचार्य डॉ.मोहन खताळ होते. देगलूर कनिष्ठ महाविद्यालयातील इयत्ता अकरावी, बारावीच्या विद्यार्थ्यांना व विद्यार्थिनींना त्यांनी स्वतंत्रपणे सचित्र मार्गदर्शन केले.

यावेळी ते म्हणाले मुला मुलींमधे पौगंडावस्थेत शारिरीक, मानसिक, भावनिक, लैंगिक बदल होतात. हे बदल वेगाने होत असतात. विरुद्ध लिंग आकर्षण वाढत असतं. आपण काही तरी करुन दाखवावं असं देखील वाटत असतं.

पालकांनी ही अवस्था समजून घेऊन त्यांच्याशी वागलं पाहिजे मोबाईल आणि समाज माध्यमाचा सदुपयोग करायला शिकवलं पाहिजे.मुलींना मासिकपाळी सुरु झाल्यावर काय काळजी घ्यायची याबद्दल तिची आई तिला चार गोष्टी सांगते.

पण मुलांच्या मनात opposite sex attraction बद्दल येणाऱ्या शंकांचं समाजात सध्या उपलब्ध नाही.
या वेळी मुला मुलींनी विचारलेल्या शंकेचे निरसन प्रश्नोत्तरातून केले.

यावेळी उपप्राचार्य डाॅ.अनिल चिद्रावार प्रा.डाॅ.एम एम चमकुडे उपप्राचार्य प्रा.डाॅ.शेरीकर व्ही.जी. पर्यवेक्षक प्रा.एस.एन.पाटील प्रा.डाॅ.विनय भोगले; प्रा.महेश कुलकर्णी अरूण पटवारी,मल्हार लाटकर शिक्षक; शिक्षकेतर कर्मचारी, विद्यार्थी उपस्थित होते.