देगलूर प्रतिनिधी, दि.०३ :- शहरातील देशपांडे गल्लीतील रहिवासी तथा ज्येष्ठ महिला श्रीमती सरस्वतीबाई पोशट्टीदादा उनग्रतवार यांचे वृद्धापकाळाने त्यांच्या राहत्या घरी शुक्रवार दि.०२ जानेवारी रोजी दुपारी दीड वाजता निधन झाले. त्या ९५ वर्षांच्या होत्या.
त्यांच्या पार्थिवावर शहरातील सार्वजनिक वैकुंठधाम येथे शनिवार दि.०३ जानेवारी रोजी सकाळी दहा वाजता अंत्यसंस्कार करण्यात येणार असल्याचे त्यांच्या निकटवर्तीयांनी सांगितले.
त्यांच्या पश्चात सहा मुले, एक मुलगी, सुना, जावई, नातवंडे असा मोठा परिवार आहे.
अडत व्यापारी शिक्षण संस्थेचे सचिव डॉ. कर्मवीर उनग्रतवार व स्वस्त धान्य दुकान देगलूर तालुका अध्यक्ष बंडूदादा उनग्रतवार यांच्या त्या मातोश्री होत.