केज प्रतिनिधी दि.१८ :- अमृत व एम सी इ डी च्या माध्यमातून खुल्या गटातील लक्षीत गटाला उद्योजकता विकास प्रशिक्षण शिबिराचे आयोजन दिनांक २१ नोव्हेंबर ते १६ डिसेंबर पर्यंत केज येथे घेण्यात आले या प्रशिक्षण शिबिरा मध्ये अनेक मान्यवर प्रशिक्षणाचा मार्गदर्शनाचा लाभ लक्षीत गटातील ३१ लाभार्थ्यांनी लाभ घेतला. दि.१७ जानेवारी रोजी पंचायत समितीच्या सभा गृहात प्रमाणपत्र वितरण कार्यक्रम ठेवण्यात आला होता या कार्यक्रमास जिल्हा प्रकल्प अधिकारी दत्तात्रय क्षीरसागर,अमृत चे जिल्हा उपव्यवस्थापक दिगंबर जोशी,छत्रपती राजश्री शाहू बँकेचे शाखा
व्यवस्थापक श्री.सर्जेराव जाधव साहेब,वैद्यनाथ सहकारी बँकेचे संचालक प्रवीण देशपांडे,भारतीय जनता मजदूर संघाचे महाराष्ट्र प्रदेश सचिव धनंजय कुलकर्णी आदी मान्यवर उपस्थित होते. केज पंचायत समितीच्या सभागृहात झालेल्या उद्योजकता विकास प्रशिक्षण शिबिराच्या लाभार्थ्यांना प्रमाणपत्र वितरणाचा कार्यक्रम झाला.
यामध्ये बोलताना जिल्हा प्रकल्प अधिकारी दत्तात्रय क्षीरसागर म्हणाले की,२१ दिवसा च्या कार्यक्रमात लाभार्थ्यांना व्यवसाय कसा उभारायचा,वितरण व्यवस्था कशी करायची, कर्मचारी व्यवस्थापन कसे करायचे,प्रकल्प अहवाल कसा करायचा यासह उद्योग कसा असावा या बाबतीत मार्गदर्शन झाले तसेच बँकेकडे प्रस्ताव सादर केल्यानंतर बँकेची उद्योजकाकडून असणाऱ्या अपेक्षा पूर्ण करण्याची क्षमता असायला पाहिजे बँक निश्चितपणे कर्ज देते तसेच सीएमईजीपी व पी एम ई जी पी या दोन्ही योजनांमध्ये बँकेला गॅरेंटर म्हणून सरकार आहे.
त्यामुळे निश्चितच बँक कर्ज देते परंतु उद्योजकाने ते परत नियमितपणे केल्यास बँक त्यानंतरही वेळोवेळी कर्ज देते.त्या साठी बँके सोबतचा व्यवहार हा निश्चितपणे चांगला ठेवावा अडचण आल्यास मी सोबत आहे असे सांगितले.छत्रपती राजर्षी शाहू बँकेचे व्यवस्थापक श्री.सर्जेराव जाधव साहेब यांनी उद्योजकता विकास प्रशिक्षण कार्यक्रमाच्या प्रमाणपत्र वितरण प्रसंगी सांगितले की,बँकेलाकाही नियम असतात सहकारी बँकेत एक लाखापेक्षा विनातारण कर्ज देता येत नाही सर्व कागदपत्रे व योग्य व्यवसाय प्रकल्प अहवाल असेल तर आम्ही निश्चितपणे लाभार्थ्यांना सहकार्य करू असे आश्वासन दिले.
यावेळी वैद्यनाथ बँकेचे संचालक श्री.प्रवीण देशपांडे यांनी सांगितले की,राष्ट्रीयकृत बँका व सहकारी बँका यामध्ये फरक असतो. सहकारी बँकांना काही नियम जास्त असल्यामुळे विनाकारण कर्ज देता येत नाही परंतु जर तारण ठेवून कर्ज लागत असेल तर निश्चितपणाने वैद्यनाथ बँक कर्ज देईल.नुकतेच अमृत कडून श्री.ऋषिकेश जोशी यांना १५ लाख रुपये वरचा व्याज परताव्याचे कर्ज वैद्यनाथ बँकेकडून वितरित झाले आहे.
त्यांचा व्यवसाय व्यवस्थित चालू आहे. त्यांचा व्यवहार पूर्वीही चांगला होता यापुढे अजून चांगला होईल अशी अपेक्षा आहे त्यामुळे असे कर्ज देण्यास वैद्यनाथ बँकेला काहीही अडचण येणार नाही याची ग्वाही मी संचालक या नात्याने आपणास देतो असे सांगितले.याप्रसंगी भारतीय जनता मजदूर संघाच्या प्रदेश सचिव धनंजय कुलकर्णी यांनी हा उद्योजकता विकास प्रशिक्षण कार्यक्रम घेण्या साठी विशेष परिश्रम घेतले त्यामुळे केज सारख्या ठिकाणी उद्योजकता विकास प्रशिक्षण कार्यक्रम व्यवस्थित पार पडला.
यामध्ये ३१ लाभार्थ्यांनी प्रशिक्षणाचा लाभ घेतला लवकरच सर्वजण या प्रशिक्षणाचा उपयोग व्यवसाय उभा राहून व व्यवस्थित चालून निश्चितपणाने चांगले यश मिळतील असा विश्वास व्यक्त केला.एमसीईडीचे कोऑर्डिनेटर शिवराज मुथळे व सचिन जोशी यांनी कार्यक्रमाचे सूत्र संचालन व आभार प्रदर्शन केले.