देगलूर प्रतिनिधी दि.१८ :- बारावी वर्गाच्या विद्यार्थ्यांनी शैक्षणिक सत्रातील अभ्यास करत परीक्षेला सामोरे जाताना आपल्यात सकारात्मकता ठेवली तर विद्यार्थ्यांना यश मिळते असे मत देगलूर महाविद्यालयाचे प्राचार्य डॉ. मोहन खताळ यांनी व्यक्त केले.
देगलूर महाविद्यालयाच्या इयत्ता बारावी; कला ;वाणिज्य आणि विज्ञान शाखेच्या विद्यार्थ्यांना निरोप समारंभ आणि परीक्षार्थींसाठी ताण तणावावर समुपदेशन चा कार्यक्रम ठेवण्यात आला होता. यावेळी ते बोलत होते. कार्यक्रमाच्या अध्यक्षस्थानी अडत व्यापारी शिक्षण संस्थेचे अध्यक्ष प्रकाश पाटील बेंबरेकर होते.
व्यासपीठावर संस्थेचे उपाध्यक्ष जनार्दनशेठ चिद्रावार;कोषाध्यक्ष विलासशेठ तोटावार कार्यकारिणी सदस्य देवेंद्रशेठ मोतेवार; रवींद्र अप्पा द्याडे; चंद्रकांत नारलावार उपस्थित होते.
मान्यवरांचे स्वागत संगीत विभागाचे प्रा.सोमनाथ पवार व श्रावणी दिनकर ;शेख ऐहतेशाम, योगीराज नागरवाड, शेख उजमा विद्यार्थ्यांनी स्वागतगीताने केले. प्रारंभी पास्ताविकात प्रा. एस.एन. पाटील यांनी परीक्षेच्या विषयी नियम व अटी च्या संदर्भात मार्गदर्शन केले.
यानतंर महाविद्यालयातील विद्यार्थी प्रियंका बामणे;
पद्माकर नरावाड ;मुक्ताई झुडपे;साईनाथ घुमलवाड यांनी शैक्षणिक काळातील आपले शैक्षणिक अनुभव मनोगतातून व्यक्त केले. उपप्राचार्य डॉ.शेरीकर व्ही.जी यांनी विद्यार्थ्यांना शैक्षणिक सत्रातील व भावी आयुष्याच्या संदर्भात प्रेरणादायी विचार सांगतीले.यानंतर अभ्यास कसे करावे परीक्षेला सामोरे जाताना कोणत्या नियमाचे पालन करावे याबाबतीत मार्गदर्शन व सूचना उपप्राचार्य प्रा.डाॅ.एम एम चमकुडे यांनी दिल्या.
देगलूर येथील सुप्रसिद्ध डॉ.उत्तम इंगोले यांनी परीक्षेला सामोरे जाताना येणाऱ्या ताण-तणावापासून दूर राहण्यासाठी परीक्षार्थीने या काळात करण्यात येणारा आहार ;योगा ;व्यायाम; मेडिटेशन;ध्यान; धारणा यावर सचित्र मार्गदर्शन केले .
या कार्यक्रमाचे सूत्रसंचालन प्रा.महेश कुलकर्णी तर आभार प्रा. शिवचरण गुरूडे यांनी मानले यावेळी कार्यालय अधीक्षक गोविंद जोशी; उपप्राचार्य डॉ.अनिल चिद्रावार क.म.चे उपप्राचार्य डॉ. एम.एम. चमकुडे; डॉ. शेरीकर व्ही.जी.; पर्यवेक्षक संग्राम पाटील ; सुनिल मदनुरे पाटील उपस्थित होते.
शेवटी विद्यार्थ्यांना समितीकडून अल्पोपहार वाटप करण्यात आले. कार्यक्रम यशस्वी करण्यासाठी सर्व कर्मचारी; शिक्षकांनी परीश्रम घेतले .यावेळी मोठ्या संख्येने विद्यार्थी ;शिक्षक, शिक्षकेतर कर्मचारी उपस्थित होते.