जिल्हास्तरीय सांस्कृतिक स्पर्धेत सम्राट अशोक निवासी मतिमंद विद्यालयाचा तृतीय क्रमांक
देशभक्तीपर अभिनय सादरीकरणाने प्रेक्षकांची मने जिंकली
नांदेड प्रतिनिधी :- दि.२४:- तीन डिसेंबर जागतिक दिव्यांग दिनानिमित्त जिल्हा दिव्यांग सक्षमीकरण विभाग, जिल्हा परिषद नांदेड यांच्या वतीने दिव्यांग मुला-मुलींसाठी जिल्हास्तरीय क्रीडा स्पर्धा व सांस्कृतिक कार्यक्रमाचे आयोजन करण्यात आले होते. या स्पर्धा दि. १९ व २० जानेवारी २०२६ रोजी उत्साहात पार पडल्या. जिल्ह्यातील विविध प्रवर्गातील सुमारे ७० शाळांनी या स्पर्धेत सहभाग नोंदवला.
मतिमंद प्रवर्गात सम्राट अशोक निवासी मतिमंद विद्यालय, तामसा रोड, हदगाव (ता. हदगाव, जि. नांदेड) येथील १२ बौद्धिक दिव्यांग विद्यार्थ्यांनी देशभक्तीपर सांस्कृतिक सादरीकरण करत उल्लेखनीय कामगिरी केली.
भगतसिंग, सुखदेव व राजगुरू यांच्या शौर्यगाथेवर आधारित ‘मेरा रंग दे बसंती चोला’ या गीतावर सादर केलेल्या प्रभावी अभिनयाने उपस्थितांची मने जिंकत जिल्ह्यात तृतीय क्रमांक पटकावला. या यशामुळे शाळेच्या नावलौकिकात भर पडली आहे.
या यशाबद्दल जिल्हा दिव्यांग सक्षमीकरण अधिकारी श्री अवधूत गंजेवार, सहाय्यक सल्लागार श्री दिनकर नाठे तसेच सांस्कृतिक विभागाचे परीक्षक श्री अंभोरे यांच्या हस्ते शाळेला ट्रॉफी देऊन गौरविण्यात आले.
संस्थेचे सचिव मा. श्री बालाजी ईबितदार यांनी विद्यार्थ्यांचे अभिनंदन करून त्यांना पुढील वाटचालीसाठी शुभेच्छा दिल्या. या यशामागे मुख्याध्यापक श्री मोरे जी.बी., श्रीमती काळे एस.आर., श्री इबितवार टी.एन., श्री आचार्य
आर.व्ही., श्री बोधणे एस.एस., कु. डॉ. गव्हाणे पी.यू., श्री ईबितदार जी.एन., श्री पांडागळे अविनाश, श्री वंजे एस.के., श्रीमती घाटे व्ही.जी., श्रीमती पेंढारकर एम.यू., श्री लोंढे
एस.बी., श्री तेलंग एम.एस., श्री बरसमवार एच.एम., श्री नाईनवाड बी.पी. तसेच सर्व शिक्षक व कर्मचाऱ्यांचे मार्गदर्शन लाभले. त्यांच्या अथक परिश्रमामुळेच विद्यार्थ्यांनी हे यश संपादन केल्याचे सांगण्यात आले.