शिवा संघटनेच्या 31व्या वर्धापन दिनानिमित्त कासार शिरशीत विविध कार्यक्रमांचे आयोजन
कासार शिरसी प्रतिनिधी, दि.२६:- कासार शिरसी येथे बुधवार तारीख 28 रोजी लिंगायत व बहुजनांच्या भव्य मेळाव्याचे आयोजन करण्यात आले आहे याचा लाभ समाज बांधवांनी घ्यावा असे आवाहन कृती समितीच्या वतीने करण्यात आले आहे.
अखिल भारतीय लिंगायत युवक संघटनेच्या ३१साव्या वर्धापन दिनानिमित्त बुधवार तारीख २८ रोजी येथील मठाधिपती गुरुमुर्गेन्द्र स्वामी यांच्यासह अनेक शिवभक्त परायण व या संघटनेचे संस्थापक अध्यक्ष प्राध्यापक मनोहर धोंडे औशाचे आजी व माजी आमदार अभिमन्यू पवार बसवराज पाटील यांच्या उपस्थिती लिंगायत समाज महामेळाव्याचे आयोजन करण्यात आले आहे.
या समारंभाचे औचित्य साधून नवनिर्वाचित लिंगायत समाजातील नगराध्यक्ष सर्वश्री बापूराव पाटील मुरूम एडवोकेट स्वप्निल हत्ये अहमदपूर (राजुर) सौ स्वाती सचिन हुडे उदगीर यांचा सत्कार करण्यात येणार आहे लातूर व धाराशिव जिल्ह्यातील समाज बांधवांनी लाभ घ्यावा.
असे आवाहान या संघटनेचे राष्ट्रीय उपाध्यक्ष दत्ताभाऊ खंकरे उदगीर यांनी केले आहे.