कासर सिरसी प्रतिनिधि दि.३१ :- कासार सिरसी परिसरात भाजपाने अल्पसंख्याक उमेदवारांना डालवले सरवडी गटात पक्षांतर्गत बंडखोरी भाजपा विरुद्ध काँग्रेस सरळ सामना रंगणार.
आता जिल्हा परिषदेच्या निवडणुकीत कासार शिरसीसह तीन जिल्हा परिषदेच्या निवडणुकीसाठी कासार शिरसी मदनसुरी व सरवडी हे साधारण ओपन पुरुष व महिलेसाठी आरक्षित झाले असता या तीन मतदारसंघात भाजपाने कोठेही अल्पसंख्याक उमेदवारास उमेदवारी दिली नसल्याने कार्यकर्त्यात नाराजी दिसून येत आहे.
आमदार अभिमन्यू पवार यांचे खंदे समर्थक मानले जाणारे सरवडी येथील कार्यकर्ते श्री ज्ञानेश्वर वाकडे यांना पक्षाने या अल्पसंख्याक समाजाच्या उमेदवारास डालवले या निषेधार्थ त्यांनी या मतदारसंघात पक्षांतर्गत बंड करत स्वतःची पत्नी सुवर्णा ज्ञानेश्वर वाकडे यांना अपक्ष म्हणून उभे केले असून आता या भागात भाजपा विरुद्ध काँग्रेस सरळ सामना रंगणार असल्याचे चित्र आहे.
कासार शिरसी सह या महसुली विभागातील 68 गावात आता जिल्हा परिषद व पंचायत समितीच्या निवडणूक प्रचाराला वेग आला असून ठिकठिकाणी प्रचारांचा नारळ फोडून शुभारंभ करण्यात आला तर कार्यकर्ते डोअर टू डोअर प्रत्यक्ष मतदारांच्या गाठीभेटी घेण्यावर भर देत असून अनेक पक्षांच्या वतीने या परिसरात जाहीर प्रचार सभेचे आयोजन ही करण्यात आले आहे.
जिल्ह्यात वंचित बहुजन आघाडी सोबत युती नसली तरीही कासार शिरसी मतदार संघात काँग्रेस मात्र वंचित बहुजन आघाडी सोबत निवडणूक लढवणार असल्याचे स्पष्ट झाले आहे कासार सिरसी जिल्हा परिषदेसाठी काँग्रेस पक्षाने निलेश राजकुमार चिंचनसुरे यांना उमेदवारी दिली असून पंचायत समितीसाठी कोराळी येथून श्रीदेवी लक्ष्मण माने तर कासार शिरसी पंचायत समिती साठी रामलिंग मुदगड चे युवराज जोगी यांना उमेदवारी देण्यात आली आहे तर भाजपाच्या वतीने जिल्हा परिषदेसाठी बडूरचे परमेश्वर शेषराव धुमाळ यांना तर पंचायत समितीसाठी विवेक भाऊराव कोकणे तर कुसुम भास्करराव पाटील यांना उमेदवारी देण्यात आलेली आहे.
सरवडी जिल्हा परिषदेसाठी काँग्रेस पक्षाने सौ कमळाबाई उग्रसेन नेलवाडे यांना उमेदवारी दिली असून भाजपाने डोंगरगावच्या सौ. कविता गोरे यांना उमेदवारी जाहीर केली आहे तर अल्पसंख्याक उमेदवारांना
डालवल्याच्या निषेधार्थ भाजपाचे ज्ञानेश्वर वाकडे यांनी पक्षांतर्गत बंड करून स्वतःची पत्नी सौ सुवर्णा वाकडे यांना यांना अपक्ष म्हणून उभे केल्याने या भागात चुरस निर्माण झाली आहे तर राष्ट्रवादी पक्षाच्या वतीने जिल्हा परिषद कासार शिरशी साठी उमाजी रामराव उमापुरे तर पंचायत समितीसाठी उभाटा पक्षाचे
अझहर जवाद मुजावर राष्ट्रवादीचे राचप्पा कुमार स्वामी आहेत तर मदनसुरी जिल्हा परिषदेसाठी उभाटा गटाचे संगीता शिवाजी चव्हाण मनसे च्या सविता रोहिदास बिराजदार शिवसेना शिंदे गटाच्या शरयू संभाजी माने काँग्रेस पक्षाच्या सिंधू अजित माने तर राष्ट्रवादीच्या सौ चंद्रभागा मोकाले हे निवडणूक रिंगणात आहेत तर पंचायत समिती भाजपाच्या सौ आश्विनी बालाजी माने मनसेच्या सौ धनश्री दिलीप माने अपक्ष जयश्री उत्तमराव सुरवसे आणि अनुसया नागनाथराव बाबळसुरे हे निवडणूक लढवणार आहेत तर यांच्या प्रचारार्थ कासार शिरशी सह परिसरात अनेक मान्यवरांच्या जाहीर सभेचे आयोजन करण्यात आले आहे.