घुंगराळा प्रतिनिधी दि.०१ :– गुरु रविदास महाराज यांची ६२८ वी जयंती हर्ष उल्हासात घुंगराळा ता. जिल्हा नांदेड येथे साजरी करण्यात आली.
चौदाव्या शतकातील क्रांतिकारी महामानव गुरु रविदास महाराज यांच्या जयंतीनिमित्त घुंगराळा येथे गुरु रविदास महाराज यांच्या प्रतिमेला मा. मुख्याध्यापक विश्वंभर कागडे यांच्या हस्ते पुष्पहार अर्पण करून गुरु रविदास महाराज यांची जयंती साजरी करण्यात आली.
यावेळी अखिल भारतीय गुरु रविदास समता परिषदेचे चंद्रसेन गंगासागरे यांनी गुरु रविदास महाराज यांच्या जीवनावर थोडक्यात आपले विचार मांडले.
“ऐसा चाहू राज मै
जहा मिले सबन को अन्न
छोट बडो सब सम बसे
रविदास रहे प्रसन्न..!” असे म्हणून गुरु रविदास महाराजांनी समतेच्या राष्ट्राच्या निर्मितीचे स्वप्न बघितले आहे. त्यांनी बेगमपूर राज्याची संकल्पना मांडली. ज्यात उच्च नीच गरीब श्रीमंत असा कोणताही दुजाभाव नसावा. सर्वांना समान न्याय मिळेल हीच संकल्पना पुढे डॉ. बाबासाहेब आंबेडकरांनी संविधानाच्या माध्यमातून आपल्यापुढे साकार केलेली आहे. या जयंतीच्या निमित्ताने समाजात एकता निर्माण व्हावी आणि गुरु रविदासांचे विचार प्रत्यक्ष अंगीकारावे तरच गुरु रविदासांची जयंती खऱ्या अर्थाने सार्थक होईल.
यावेळी प्रमुख उपस्थिती म्हणून दैनिक लोकमतचे पत्रकार रामराव ढगे, सहशिक्षक साहेबराव बोधनकर, महावितरणचे वरिष्ठ तंत्रज्ञ बालाजी स्वामी, दिगंबर गंगासागरे मुसा भाई शेख, प्रवीण बाणेवाड, शेख वल्ली भाई, चंद्रसेन गंगासागरे, आदित्य गंगासागरे,निखिल भालके, अक्षरा गंगासागरे इत्यादी उपस्थित होते.