परभणी प्रतिनिधी दि.०६:- जिल्हा परिषद व पंचायत समिती सार्वत्रिक निवडणुकीसाठी शनिवार, दि. ७ फेब्रुवारी २०२६ रोजी मतदान होणार आहे. मतदारांना मतदानाचा हक्क बजावता यावा तसेच मतदान शांततेत पार पाडण्यासाठी खालील तालुक्यांच्या गावातील आठवडी बाजार बंद राहणार आहेत, असे जिल्हा प्रशासनाने कळविले आहे.
परभणी तालुक्यातील वडगाव सुक्रे व टाकळी बोबडे, सेलू तालुक्यातील मौ. ढेगळे पिंपळगाव, पाथरी तालुक्यातील पाथरगव्हाण बु आणि वाघाळा, गंगाखेड तालुक्यातील गंगाखेड शहर (जनावरांचा बाजार) मानवत तालुक्यातील केकरजवळा व गोगलगाव, पालम तालुक्यातील पालम शहर, सोनपेठ तालुक्यातील शेळगाव म. व शिर्शि बु., जिंतूर तालुक्यातील कावी व आडगाव (बा), पूर्णा तालुक्यातील कात्नेश्वर येथील आठवडी बाजार ७ फेब्रुवारी २०२६ रोजी बंद राहणार आहेत.