हिंगोली प्रतिनिधी, दि.०६ :- महाराष्ट्र राज्य परीक्षा परिषदेमार्फत डी.एल.एड्. डिसेंबर–२०२५ परीक्षेचे आयोजन दिनांक ९ ते १७ डिसेंबर, २०२५ या कालावधीत करण्यात आले होते. या परीक्षेचा निकाल आज दिनांक ५ फेब्रुवारी, २०२६ रोजी सायंकाळी ५ वाजता परिषदेच्या www.mscepune.in या अधिकृत संकेतस्थळावर जाहीर करण्यात आला आहे.
परीक्षार्थींना निकालाचे मूळ गुणपत्रक संबंधित अध्यापक विद्यालयामार्फत यथावकाश हस्तपोच मिळणार आहे. तसेच उत्तरपत्रिकेची गुणपडताळणी व उत्तरपत्रिकेची छायाप्रत मागणी करण्यासाठी विहित नमुन्यात, विहित शुल्कासह अर्ज सादर करण्याची अंतिम तारीख दिनांक २० फेब्रुवारी, २०२६ अशी राहील, अशी माहिती महाराष्ट्र राज्य परीक्षा परिषदेच्या आयुक्तांनी दिली आहे.