भुसावळ प्रतिनिधी दि.१९ :- भुसावळ येथील संगीत शिक्षक तथा सुप्रसिद्ध तबलावादक मनोज विजयराव कुलकर्णी यांना उत्कृर्ष कलाविष्कार आयोजित खानदेश नाट्यमहोत्सवात “उत्कर्ष सन्मान पुरस्कार ” देऊन गौरविण्यात आले आहे.
भुसावळ येथील तबलावादनात त्यांच्या अतुलनीय,निरंतर व यशस्वी प्रवासाबद्दल त्यांना दि.१५फेब्रुवारी रोजी ता.भुसावळ जि. जळगाव येथे झालेल्या कार्यक्रमात सन्मानपत्र देऊन गौरविण्यात आले आहे.
भारतीय शास्त्रीय संगीतातील तबलावादन क्षेत्रात गेल्या तीन दशकाहून अधिक काळ सातत्यपूर्ण निष्ठावान व उच्च दर्जाची साधना करून त्यांनी एक स्वतंत्र वेगळे असे संगीत क्षेत्रात स्थान निर्माण केले आहे.
मनोज कुलकर्णी हे ज्येष्ठ व ख्यातनाम गायक वादकांच्या संगीत मैफिली व कथ्थक नृत्य कार्यक्रमात तबलावादनाने रसिकांची मने जिंकली आहेत.भुसावळ परिसरातील संगीत विशारद, संगीत अलंकार व संगीत भास्कर या मान्यता प्राप्त पदव्याना अधिक गौरवशाली करण्यात मोलाची कामगिरी केली आहे.
मा. कुलकर्णी हे भुसावळच्या के.नारखेडे विद्यालयातील संगीत शिक्षक म्हणून गेल्या अनेक वर्षापासून विद्यार्थ्यांमध्ये तबलावादनाची गोडी निर्माण करीत आले आहेत.
भुसावळ मधील संगीत क्षेत्रात त्यांनी अतुलनीय असे कार्य करीत तबलावादनाची गोडी विद्यार्थ्यांत तसेच संगीतप्रेमी जन सामान्यांमध्ये रुजविलीआहे.त्यांच्या कार्याबद्दल व मिळालेल्या उत्कर्ष सन्मान पुरस्काराबद्दल जळगाव,भुसावळ चे रसिक मान्यवरांनी त्यांना शुभेच्छा देऊन अभिनंदन केले आहे.