नरसी प्रतिनिधी :- बहुजन समाज पार्टी नायगाव विधानसभा अध्यक्षपदी नायगाव येथील धडाडीचे युवा सामाजिक कार्यकर्ते राजकुमार किशन सोनकांबळे यांची बिनविरोध निवड करण्यात आली.
शासकीय विश्रामगृह नरसी येथे आयोजित बैठकीत बहुजन समाज पक्षाच्या नायगाव उमरी धर्माबाद विधानसभा मतदार संघासाठी नवीन कार्यकारिणीची सर्वानुमते निवड करण्यात आली. यावेळी राज्य कार्यकारिणी सदस्य इंजि. चंद्रप्रकाश देगलूरकर, मराठवाडा झोन प्रभारी मनिषभाऊ कावळे, नांदेड जिल्हा अध्यक्ष सुभाष भोकरे आणि नांदेड महानगर अध्यक्ष अनिकेत आळंदीकर, पत्रकार प्रकाश कामळजकर यांची प्रमुख उपस्थिती होती.
यावेळी निवडण्यात आलेले इतर पदाधिकारी पुढीलप्रमाणे आहेत. विधानसभा प्रभारी – देविदास महाजन जेठेवाड, अविनाश पुंडलिकराव इटकापल्ले, महासचिव – मनोहर गंगाराम डुमणे, उपाध्यक्ष – ओमप्रकाश बळी वाघमारे, लिंगायत भाईचारा कमिटी – मुकुंदा लक्ष्मण चोंडेकर आणि नायगाव शहराध्यक्ष – बंटी नायगावकर.
सर्व नवनिर्वाचित पदाधिकाऱ्यांचे पुष्पहार घालून अभिनंदन करण्यात आले. पक्षाचे काम नायगाव, उमरी आणि धर्माबाद तालुक्यातील सर्व भागात वाढविण्याचा निर्धार यावेळी नवनिर्वाचित पदाधिकाऱ्यांनी व्यक्त केला.