७७० पानी ‘हिंदुस्तान म्युझिक’ ग्रंथाचे भव्य प्रकाशन.
ज्येष्ठ लेखक प्रकाश जागीरदार यांच्या दोन खंडांच्या ग्रंथाला रसिकांचा उत्स्फूर्त प्रतिसाद.
हैदराबाद प्रतिनिधी :- प्रकाश जागीरदार यांनी संगीतप्रेमींसाठी अत्यंत मोलाचा ठरणारा ७७० पानी ‘हिंदुस्तान म्युझिक’ हा ग्रंथ दोन खंडांमध्ये सिद्ध केला असून, या ग्रंथाचे प्रकाशन नुकतेच हैदराबाद येथे उत्साहपूर्ण वातावरणात पार पडले.
तत्त्व आर्ट व व्यापारी एज्युकेशन फाउंडेशन यांच्या संयुक्त सहकार्याने आयोजित करण्यात आलेल्या या विशेष सोहळ्यात डाॅ. सुनीता महेश भागवत यांच्या हस्ते ग्रंथाचे औपचारिक प्रकाशन करण्यात आले. भारतीय संगीत परंपरेचा सखोल अभ्यास, इतिहास आणि विविध पैलूंवर आधारित हा ग्रंथ संगीत क्षेत्रातील अभ्यासक, गायक आणि विद्यार्थ्यांसाठी मार्गदर्शक ठरणार असल्याचे यावेळी मान्यवरांनी सांगितले.
या कार्यक्रमास अनंदराज माणिक प्रभू यांच्यासह विविध क्षेत्रातील अनेक मान्यवर, संगीतप्रेमी आणि कलाकार मोठ्या संख्येने उपस्थित होते. कार्यक्रमादरम्यान हैदराबादमधील जुने आणि नवे अनेक गायक-गायिकांचा डाॅ. सुनीता महेश भागवत यांच्या हस्ते शाल, पुष्पगुच्छ आणि सन्मानचिन्ह देऊन गौरव करण्यात आला.
संगीत क्षेत्रातील योगदानाचा गौरव करणारा आणि भारतीय संगीत परंपरेचा वारसा जतन करणारा हा सोहळा अत्यंत भव्य-दिव्य वातावरणात पार पडला. उपस्थितांनी या उपक्रमाचे कौतुक करत लेखक प्रकाश जागीरदार यांचे अभिनंदन केले. ‘हिंदुस्तान म्युझिक’ हा ग्रंथ संगीत क्षेत्रासाठी एक महत्त्वपूर्ण दस्तऐवज ठरेल, असा विश्वास यावेळी व्यक्त करण्यात आला.