BEHUMANS WELFARE FOUNDATION ची जनरल मीटिंग उत्साहात संपन्न; सेंट्रल टीमची घोषणा.
रामअंतापूर (हैदराबाद): BEHUMANS WELFARE FOUNDATION ची जनरल मीटिंग शनिवारी रामअंतापूर येथील संस्थेच्या मुख्य कार्यालयात उत्साहपूर्ण वातावरणात संपन्न झाली. बैठकीत संस्थेच्या आगामी कार्याचा आराखडा, संघटन विस्तार, सदस्य नोंदणी, विविध समित्यांची स्थापना, पदाधिकाऱ्यांच्या जबाबदाऱ्या, आर्थिक पारदर्शकता, निधी संकलन तसेच सामाजिक, शैक्षणिक, आरोग्य आणि मानवतावादी उपक्रमांवर सविस्तर चर्चा करण्यात आली.
यावेळी संस्थेची सेंट्रल टीम अधिकृतपणे जाहीर करण्यात आली. संस्थेचे CEO म्हणून गजानन गंगाधर बिडकर, डायरेक्टर म्हणून माधुरी गजानन बिडकर व गौरव गजानन बिडकर यांची नियुक्ती करण्यात आली. कार्यकारिणी सदस्य म्हणून एन. बी. कुलकर्णी, नितीन टिक्का, उदय नाईक आणि टी. वेंकटेश, महिला कार्यकारिणी सदस्य म्हणून टी. किरण, तसेच सदस्य म्हणून जयंत शर्मा, सुरेंद्र यादव आणि गिरीश बिडकर यांची निवड करण्यात आली.
बैठकीत सर्व पदाधिकारी व सदस्यांचा सत्कार करण्यात आला. तसेच पदाधिकाऱ्यांचे वार्षिक शुल्क ₹५०० आणि सामान्य सभासदांचे वार्षिक सदस्यत्व शुल्क ₹१०० निश्चित करण्याचा निर्णय घेण्यात आला. संस्थेच्या सामाजिक उपक्रमांसाठी या निधीचा पारदर्शक पद्धतीने वापर करण्यात येणार असल्याचे सांगण्यात आले.
यावेळी संस्थेच्या वतीने सुरुवातीच्या टप्प्यात तेलंगणा, महाराष्ट्र आणि कर्नाटक या तीन राज्यांमध्ये विविध सामाजिक, शैक्षणिक, आरोग्य व मानवतावादी उपक्रम राबविण्यात येणार असल्याची माहिती देण्यात आली. तसेच कर्नाटक राज्यातील संघटन विस्तारासाठी प्रामाणिक, समाजाभिमुख व कार्यक्षम राज्यस्तरीय पदाधिकाऱ्यांची आवश्यकता असल्याचे जाहीर करून इच्छुक समाजसेवकांना संस्थेशी संपर्क साधण्याचे आवाहन करण्यात आले.
बैठकीच्या शेवटी सर्व सदस्यांनी मानवतेची सेवा, सामाजिक उत्तरदायित्व, पारदर्शक कारभार आणि समाजहिताच्या कार्यासाठी एकजुटीने काम करण्याचा निर्धार व्यक्त केला. कार्यक्रमानंतर सर्वांसाठी चहा-पाण्याची व्यवस्था करण्यात आली.