नांदेड (जिमाका) दि. २३ : प्रादेशिक परिवहन कार्यालय व गट शिक्षणाधिकारी भोकर यांचे संयुक्त विद्यमाने भोकर तालुक्यातील सर्व माध्यमिक व प्राथमीक शाळांचे मुख्याध्यापक यांची बैठक नुकतीच संपन्न झाली.
या बैठकीमध्ये शालेय परिवहन समिती, स्कुल बस नियमावली व स्वातंत्र्याच्या अमृत महोत्सवा निमीत्त रस्ता सुरक्षाबाबत सहा. मोटार वाहन निरीक्षक प्रविण रहाणे यांनी मार्गदर्शन केले. बैठकीस भोकर तालुक्याती ९० शाळांच्या मुख्याध्यापकांनी सहभाग नोंदविला होता. उपविभागीय अधिकारी राजेंद्र कंधारे, तहसीलदार राजेश लांडगे, गट विकास अधिकारी अमित राठोड, गट शिक्षणाधिकारी वाघमारे यांची उपस्थिती होती.