वयाची चाळीशी ओलांडताना जवळ पास सगळ्यांनाच चष्मा लागतो, जवळ चा चष्मा म्हणतात त्याला..
सहजच एक विचार येऊन गेला मनात.. हे नेमकं चाळीसावं वर्ष झाल्यावर किंवा होतांना कसा काय लागत असेल हा जवळ चा चष्मा..? वैज्ञानिक कारण तर असेल नक्कीच पण असं असू शकेल का की एकदा शिक्षण संपलं की प्रत्येकाला काही तरी दृष्टी येते, आयुष्यात काही तरी मिळवायचं असतं, काही तरी साध्य
@ सचिन पांगरेकर.. 📞 ९८८१३ ००७४४
करायचं असतं आणि हे सगळं करतांना प्रत्येक जण त्या ध्येयाच्या मागे लागतो, आपल्या आजु बाजूला आपलं कोणी तरी असतं, आई, वडील , मित्र आप्तेष्ट, मग नंतर बायको पोरं पण ह्या सगळ्या जवळच्या लोकांना दूर सारून आपण ध्येयाला जवळ करतो.
बऱ्याच गोष्टींकडे दुर्लक्ष करतो, बऱ्याच जवळच्या गोष्टी बघून न बघितलेल्या सारखं करतो आणि असं ध्येयामागे धावताना कधी आपण चाळीशी च्या उंबरठ्यावर वर येऊन थांबतो ते कळतच नाही…
एव्हाना चांगला पैसा कमवून झालेला असतो, घर गाडी आलेली असते, बऱ्या पैकी स्थिर स्थावर झालेलो असतो पण आपण आपल्यासाठी काही जगलोच नाही ही भावना उगाच मनात घर करायला लागते, आणि बरोबर तेव्हाच हा चष्मा येतो आपल्या आयुष्यात.. हा पण एक जादुई चष्मा असतो पठ्ठ्ठ्या.. चष्मा लागला रे लागला की हा बदमाश आपल्याला आपण थकल्याची म्हणा किंवा आपण आता थांबावं ह्याची जाणीव करून देतो. नुसतं जवळ ची दृष्टीच सुधारत नाही तर जवळ च्या लोकांना जवळ करण्याचा दृष्टीकोन देतो हा चष्मा.. आपल्याला आठवण करून देतो की आपण ज्यांना दूर करून ज्याच्या मागे धावत होतो ते
मृगजळ होतं, खरी संपत्ती तर ही जवळची मंडळीच होती. ह्याच जवळ च्या लोकांच्या आधाराने म्हणा किंवा आशीर्वादाने म्हणा आपण हे सो काल्ड धेय्य साध्य करू शकलो…
नुसतं जवळ च स्पष्ट दाखवत नाही हा चष्मा, ध्येयाच्या मागे धावताना आपण काय काय मिस केलंय हे पण एकदम स्पष्ट करून देतं.. जवळ च्या दोस्तांना न भेटता आपण ज्यांना जवळ केलं होतं आणि त्यांच्या मनात किती धूळ होती ते स्पष्ट दाखवतो हा चष्मा…
दूर चं दिसणं गरजेचं आहे पण जवळ च स्पष्ट दिसणं जास्ती गरजेचं आहे आणि हे काम चाळीशी चा चष्मा बरोबर वेळेत दाखवतो.. म्हणून बरं असतं जवळ चा चष्मा लागलेलं..😃
जरा लांबलयच चष्मा प्रकरण पण आज जरा वेळ होता तर काढलं लिहून…
