देगलूर प्रतिनिधी,दि.०२ :- अलीकडच्या काळात महाराष्ट्र राज्यात सर्वत्र आरोग्य तपासणी, चश्मावाटप, रक्त तपासनी असे शिबीर होतात पण शस्त्रक्रिया शिबीर पूर्णत: मोफ़त केले जात नाही.
देगलूर येथे गेल्या १३ वर्षापासून कै. नारायणराव चिद्रावार स्मृती प्रीत्यर्थ पूर्णत: मोफ़त शस्त्रक्रिया शिबीर आयोजित केले जाते हीच खरी समाजसेवा आहे. आज सर्व वयोगटातील नागरिकांच्या शारीरिक व मानसिक आरोग्याकडे विशेष लक्ष केंद्रित करणे आवश्यक असुन गरीब रुग्णांची सेवा केली निस्वार्थरित्या झाली पाहिजे असे प्रतिपादन शंकरराव चव्हाण शासकीय वैद्यकीय महाविद्यालयाचे अधिष्ठाता डॉ. पी टी जमदाडे याँनी केले आहे.
ते देगलूर येथे कै.नारायणराव चिद्रावार व्याख्यानमाला समिती व उपजिल्हा रुग्णालय यांच्या संयुक्त विद्यमाने आयोजित भव्य मोफत शस्त्रक्रिया शिबिराचे उद्घाटनप्रसंगी बोलत होते. या शिबिरात एकुण १४२ रुग्णावर मोफ़त शस्त्रक्रिया करण्यात आली.
शिबीर उद्घाटण कार्यक्रमात व्यासपीठावर देगलूर-बिलोली विधानसभा मतदारसंघ माज़ी आमदार सुभाषराव साबने, उपजिल्हा रुग्णालय देगलूरचे वैद्यकीय अधीक्षक डॉ.एस.एस.वलांडे माजी नगराध्यक्ष मोघलाजी शिरसेटवार, राष्ट्रवादी कांग्रेसचे जिल्हा उपाध्यक्ष लक्ष्मीकांत पदमवार शिवसेना तालुकाप्रमुख महेश पाटील एड. मोहसीन अली , डॉ. आर.एच.शेख ,डॉ. शेख मुजीब , डॉ.उत्तम इंगोले ,डॉ. अविनाश नामावार , डॉ. रवींद्र चिद्रावार व डॉ.लाडके उपस्थित होते.
आपल्या वडीलांच्या स्मृती प्रीत्यर्थ समाजातील उपेक्षित व वंचित जीवन जगणाऱ्या गरीब रुग्णांची मोफत शस्त्रक्रिया करून वडीलाना वंदन केले पाहिजे, अशी कल्पना डॉ.रवींद्र चिद्रावार यांना सुचली व मागील तेरा वर्षापासून भव्य मोफत शस्त्रक्रिया शिबिराचे आयोजन केले जात आहे.आजपर्यंत दोन हज़ारपेक्षा अधिक रुग्णावर यशस्वीपणे शस्त्रक्रिया करण्यात आली आहे.
त्यात अपेन्डेक्स, हार्निया ,हायड्रोसील , मुळव्याध,मुतखडा, भगंदर, शिष्ठ ,कुटुंब नियोजन शस्त्रक्रिया इत्यादी आजारावर शस्त्रक्रिया करण्यात आली आहे. दि. २९ व ३० एप्रिल या दोन दिवसात १४२ रुग्णांवर मोफत यशस्वी शस्त्रक्रिया करण्यात आली.
कार्यक्रमाच्या प्रारंभी कै.नारायणराव चिद्रावार यांच्या प्रतिमेचे पूजन व दिप प्रज्वलन मान्यवरांचा हस्ते करण्यात आले. आपल्या प्रास्ताविकपर भाषणातून श्री किरण चिद्रावर यांनी शिबीर आयोजनामागील भूमिका स्पष्ट करताना असे म्हणाले की, येणाऱ्या पिढीला कै.नारायणराव चिद्रावार यांच्या देगलूर शहराच्या विकास कामाची व दुरद्र्ष्टीची ओळ्ख व्हावी या उद्देशाने अनेक उपक्रम आयोजन समितीच्यावतीने राबविले जातात.
कै.नारायणराव चिद्रावार याचां वारसा जपण्याचे कार्य करण्यासाठीच ३७ वर्षापासून व्याख्यानमाला व १३ वर्षापासून मोफत शस्त्रक्रिया शिबिराच्या आयोजन करीत असल्याची माहिती दिली.
याप्रसंगी श्री लक्ष्मीकांत पदम्वार यांनी मनोगत व्यक्त करताना असे म्हणाले की कै. नारायणराव चिद्रावार हे सर्व धर्म समभावाचे पुरस्कर्ते असलेले एक आदर्श लोकप्रतिनिधी होते. शिवसेनेचे श्री महेश पाटील भाषण करताना असे म्हनाले की, त् नारायणराव चिद्रावार स्मृतीप्रीत्यर्थ चिद्रावार कुटुंबाने केलेले कार्य हे देगलूरच्या इतिहासात विशेष नोंद घेण्यासाठी आहे, त्यांच्या सामाजिक कार्याचा इतरांनी आदर्श घेणे आवश्यक आहे.
माज़ी नगराध्यक्ष मोघलाजी शिरसेटवार यानी देगलूर येथे मोफ़त व भव्य असे शस्त्रक्रिया शिबीर आयोजित केल्याबदल गोर ग़रीब जनतेच्या वतीने चिद्रावार कुटुंबाचे जाहीर आभार मानतो, असे गौरोद्गार व्यक्त केले.
कै. नारायणराव चिद्रावार यांच्या स्मृती प्रीत्यर्थ मोफत रुग्णसेवेचे हे पवित्र कार्य अखंडपणे चालू ठेवणे हीच कै.नारायणराव चिद्रावार यांना खरी श्रद्धाजंली आहे. असे प्रतिपादन केले. याप्रसंगी शंकरराव चव्हाण शासकीय वैद्यकीय महाविद्यालय, नांदेडचे अधिष्टाता डॉ.पी.टी.जमदाडे असे म्हणाले की आज दररोज मोफत आरोग्य शिबिरे आयोजित केली जातात ती केवळ सेल्फीपुरती व सोशियाल मिडियापुरती मर्यादित असतात.
खरे मोफत शस्त्रक्रिया शिबीर कसे असावे ? याचे मूर्तीमंत उदाहरण म्हणजे डॉ.रवींद्र चिद्रावार यांच्या अभिनव कल्पनेतून संपन्न होत असलेले हे शिबीर होय, असे गौरोदगार काढले. कार्यक्रमाचे सूत्रसंचालन प्रा.डॉ.बी.आर.कतुरवार तर आभार डॉ. लाड़के यांनी मानले.
दोनदिवसीय शिबीर यशस्वीतेसाठी डॉ. पी.टी.जमदाडे , डॉ.शेख मुजीब, डॉ.लाडके डॉ. पोपुलवार यांच्यासह नांदेड व देगलूर शहरातील तज्ञ डॉक्टर व उपजिल्हा रुग्णालयातील कर्मचारी वर्गाने परिश्रम घेतले. याप्रसंगी अडत व्यापारी शिक्षण संस्थेचे सचिव श्री शशिकांत चिद्रावार, श्री अरुण चीद्रावार , गिरीश चिद्रावार, गुरुराज चिद्रावार यांच्यासह बहुसंख्य रुग्ण व रुग्णांचे नातेवाईक उपस्थित होते.
