देगलूर प्रतिनिधी दि.२८ :- परमपूजनीय गोळवलकर गुरुजी प्राथमिक विद्यालयात संविधान दिन साजरा करण्यात आले.यानिमित्ताने कार्यक्रमाचे अध्यक्ष म्हणून विद्यालयाचे मुख्याध्यापक दमन देगावकर, प्रमुख वक्त्या अर्चना सुरशेटवार तसेच अभ्यासपूरक मंडळ प्रमुख सुरेखा तोटावार मंचावर उपस्थित होते.
कार्यक्रमाची सुरुवात पुण्यश्लोक अहिल्यादेवी होळकर, संविधानाचे रचनाकार डॉ. बाबासाहेब आंबेडकर यांच्या प्रतिमापूजनाने करण्यात आले.
यानंतर उपस्थित मान्यवरांचे पुष्पगुच्छ देऊन स्वागत करण्यात आले.वक्त्या अर्चना सुरशेटवार यांनी विद्यार्थ्यांना संविधानाविषयी सविस्तर माहिती सांगितली.यामध्ये पाठ्यपुस्तकात असलेल्या संविधान उद्देशिका विषयी विद्यार्थ्यांना अर्थ स्पष्ट करून सांगण्यात आले.
“न्याय ,समता ,स्वातंत्र्य, बंधुता मूल्यातून हा देश महान
देशात आहे धर्म आमुचा
धर्मग्रंथ आणि संविधान.”
या प्रभावी वक्तव्यातून मुलांना धर्मग्रंथ व संविधान याची महानता मुलांना सांगण्यात आले. अगदी मोजके शब्दातील उद्देशिका किती महत्त्वाची आहे. ज्यामध्ये कुठेच पूर्णविराम नसून केवळ अर्धविराम; स्वल्पविराम, असलेली एका वाक्यात लिहिलेली उद्देशिका व या उद्देशिकेतील प्रत्येक शब्द व त्या प्रत्येक शब्दाचे स्पष्टीकरण विद्यार्थ्यांना समजावून सांगितले.
यानंतर अध्यक्ष समारोपात दमन देगावकर यांनी विद्यार्थ्यांना संविधानाच्या दिनाच्या शुभेच्छा दिल्या.तसेच आपण एक भारतीय नागरिक म्हणून आपले मूलभूत कर्तव्य कोणते? या विषयी माहिती सांगून मुलांना जागृत केले.कार्यक्रमाची सांगता संविधान उद्देशिका सादरीकरणाने करण्यात आले .
या कार्यक्रमासाठी वैयक्तिक गीत सुरेखा तोटावार तर कार्यक्रमाचे सूत्रसंचालन सविता बेजगमवार यांनी केले.
कार्यक्रमाच्या यशस्वीतेसाठी सर्व शिक्षकांचे सहकार्य लाभले.
