सरकारी नोकरदारांना खुशखबर : पाच दिवस आधीच पगार मिळणार
मुंबई प्रतिनिधी, दि.२२ :- राज्य शासनाने सरकारी नोकरदारांना मोठा दिलासा दिला आहे. येत्या महिन्यात येणाऱ्या गणेशोत्सव व इतर सण-उत्सवांच्या पार्श्वभूमीवर शासनाने कर्मचाऱ्यांना पगार नेहमीपेक्षा पाच दिवस आधीच देण्याचा निर्णय घेतला आहे.
या निर्णयामुळे हजारो सरकारी कर्मचाऱ्यांना सणासुदीच्या काळात आर्थिक नियोजन करणे सोयीचे ठरणार आहे. शासनाच्या या पावलाचे स्वागत कर्मचारी वर्गाने केले असून आनंदाचे वातावरण निर्माण झाले आहे.
अर्थ विभागाचे परिपत्रक :-
अर्थ विभागाने यासंदर्भात परिपत्रक जारी केले असून, संबंधित सर्व विभागांना आदेश देण्यात आले आहेत की, पगार वितरणाची प्रक्रिया वेळेआधी पूर्ण करावी. पुढेही महत्त्वाच्या सण-उत्सवांच्या पार्श्वभूमीवर कर्मचाऱ्यांना पगार आगाऊ देण्याबाबत निर्णय घेता येईल, असेही संकेत मिळाले आहे
: कर्मचारी संघटनांची प्रतिक्रिया
कर्मचारी संघटनांनी शासनाच्या या निर्णयाचे स्वागत केले आहे. अनेक वर्षांपासून सणासुदीच्या काळात पगार लवकर देण्याची मागणी केली जात होती. अखेर शासनाने त्यास सकारात्मक प्रतिसाद दिला आहे. यामुळे कर्मचाऱ्यांना घरखर्च, खरेदी व कर्जफेडीची सोय होणार असल्याचे संघटनांनी सांगितले.