रायगडप्रतिनिधि,दि.१३:- ऐतिहासिक रोहा शहरात नव्याने उभारण्यात आलेले डॉ.चिंतामणराव देशमुख नाट्यगृह तरुण पिढीला प्रेरणादायी असल्याचे प्रतिपादन उपमुख्यमंत्री अजित पवार यांनी आज येथे केले. रोहा येथील डॉ.चिंतामणराव देशमुख नाट्यगृहाचे उद्घाटन कार्यक्रम प्रसंगी ते बोलत होते.
यावेळी खासदार सुनील तटकरे, महिला व बाल विकास मंत्री कु.आदिती तटकरे, जिल्हाधिकारी किशन जावळे, मुख्य कार्यकारी अधिकारी नेहा भोसले, जिल्हा पोलीस अधीक्षक आचल दलाल, उपविभागीय अधिकारी ज्ञानेश्वर खुटवड, मुख्याधिकारी अजयकुमार येडके, सिने अभिनेता सयाजी शिंदे, भरत जाधव आदी मान्यवर उपस्थित होते.