येरगी गणेश मंडळाचा पोलिस अधीक्षकांकडून गौरव
देगलूर प्रतिनिधी,दि.१९:- नांदेड जिल्हा पोलिस अधीक्षक अभिनाश कुमार (IPS) यांच्या हस्ते डीजे-मुक्त, पर्यावरणपूरक आणि सुरक्षिततेचे उत्तम उपक्रम राबविल्याबद्दल येरगी येथील गणेश मंडळाला विशेष पारितोषिक देण्यात आले.
मंडळाने गणेशोत्सव काळात CCTV कॅमेरे बसवून सुरक्षा सुनिश्चित केली तसेच पर्यावरणपूरक उपक्रम राबविले. धार्मिक व सांस्कृतिक कार्यक्रमांतर्गत घेण्यात आलेल्या विविध स्पर्धांमध्ये बक्षिसे म्हणून शैक्षणिक साहित्य वाटप करण्यात आले.
नांदेड पोलिस दलाच्या वतीने जिल्हाधिकारी कार्यालय, नियोजन भवन येथे झालेल्या कार्यक्रमात मंडळाचा सत्कार करण्यात आला.
या प्रसंगी जिल्हा पोलिस अधीक्षक अभिनाश कुमार, अतिरिक्त पोलिस अधीक्षक अर्चना पाटील, देगलूर पोलीस निरीक्षक मारोती मुंढे, मरखेल पोलीस निरीक्षक आर.एम. हुंडेकर, येरगीचे सरपंच संतोष पाटील येरगीकर, माजी तंटामुक्त अध्यक्ष मल्लिकार्जुन देसाई यांच्यासह अनेक मान्यवर उपस्थित होते.
मंडळाचे अध्यक्ष श्रीकांत बरगले, कोषाध्यक्ष संगमनाथ बागेवार व कार्यकर्त्यांचा यावेळी विशेष गौरव करण्यात आला.