अर्धापूर :- महाराष्ट्र राज्य पत्रकार संघ, मुंबईच्या अर्धापूर तालुक्यात नव्याने नियुक्त तालुकाध्यक्ष व कार्यकारिणीचा भव्य सत्कार करण्यात आला.
हा कार्यक्रम राष्ट्रवादी काँग्रेस पार्टी शरद पवार गटाचे पदवीधर सेलचे महाराष्ट्र प्रदेश चिटणीस व नांदेड जिल्हा चिटणीस तसेच अर्धापूर अधिवक्ता संघाचे तरुण, तडफदार व विद्वान विधिज्ञ अॅड. सचिन सदाशिवराव देशमुख यांच्या वतीने अर्धापूर न्यायालयासमोर असलेल्या त्यांच्या कार्यालयात पार पडला.
या प्रसंगी तालुकाध्यक्ष उध्दवराव सरोदे, बिबिशन कांबळे व अॅड. गौरव सरोदे यांचे पुष्पगुच्छ देऊन अभिनंदन व सत्कार करण्यात आला. कार्यक्रमास अधिवक्ता संघ अर्धापूरचे सदस्य अॅड. ए.जी. राजेगोरे, अॅड. मंगेश सरोदे यांसह इतर मान्यवर उपस्थित होते.