“माजी नगराध्यक्ष मोगलाजी शिरशेटवार यांच्या पुढाकारातून बतकम्मा स्पर्धा व कर्मचाऱ्यांचा सत्कार सोहळ्याची तयारी उत्साहात”
देगलूर प्रतिनिधी,दि.०२:- देगलूर शहरात बतकम्मा सणानिमित्त आयोजित केलेल्या उत्कृष्ट बतकम्मा सजावट स्पर्धेचा निकाल जाहीर करण्यात आला असून, त्यांच्याकडून व त्यांच्या कार्यकर्त्याकडून सदर कार्यक्रमाचे तयारी उत्साहात सुरू आहे.
विजेत्यांना पारितोषिक वितरणाचा सोहळा सोमवारी, दि. ३ नोव्हेंबर रोजी ‘साई कुंज’, भक्तापूर रोड, देगलूर येथे मोठ्या उत्साहात पार पडणार आहे.
या सोहळ्यात चालक-वाहक व रुग्णवाहिका कर्मचाऱ्यांचा सत्कार समारंभ देखील आयोजित करण्यात आला आहे. आंध्रप्रदेश व तेलंगणामध्ये पारंपरिक पद्धतीने साजरा होणारा बतकम्मा सण देगलूरमध्ये मागील सात वर्षांपासून माजी नगराध्यक्ष मोगलाजी शिरशेटवार यांच्या पुढाकारातून दरवर्षी भव्यतेने साजरा केला जातो.
विजेत्यांसाठी आकर्षक रोख पारितोषिके जाहीर —
प्रथम पारितोषिक: ₹१६,६६६
द्वितीय पारितोषिक: ₹१२,२२२
तृतीय पारितोषिक: ₹८,८८८
उत्तेजनार्थ पारितोषिक: प्रत्येकी ₹१०००
महिला भगिनींसाठी विशेष आकर्षण म्हणून “कॉमेडी तडका – होम मिनिस्टर खेळ पिठणीचा” हा विशेष खेळ सादर होणार आहे. विजेत्या महिलांना पैठणी, पट्यू, ऑरगेंझा व सिल्क साड्या पारितोषिक म्हणून दिल्या जाणार आहेत.
कार्यक्रमात पुण्याचे विनोदी कलाकार ओम यादव यांचा सुपरहिट कार्यक्रम तसेच नांदेडचे रमेश गिरी यांचा विनोदी शाहीर कार्यक्रम रंगणार आहे.