देगलूर प्रतिनिधी दि.१३ :- येथील अडत व्यापारी शिक्षण संस्था संचलित देगलूर महाविद्यालयात किशोरवयीन विद्यार्थीनीची आरोग्य तपासणी कार्यक्रम घेण्यात आला. नांदेड येथील स्त्रीरोग तज्ञ डॉ. किशोर अतनुरकर यांनी देगलूर महाविद्यालयातील इयत्ता अकरावी;बारावी वर्गातील विद्यार्थिनींना वयात येताना मुलींमध्ये कोणते शारीरिक बदल होतात या विषयांतर्गत आवाज बदल होणे; मासिक पाळी सुरू होणे, मनासारखे वागावे वाटणे, या व इतर आरोग्य विषयक विषयावर सविस्तर असे मार्गदर्शन केले.
प्रारंभी प्रास्ताविक पर्यवेक्षक प्रा.एस एन. पाटील यांनी केले यावेळी श्रीनिवास पॅथॉलॉजी तर्फे सुरेश देशमुख, कृष्णा चामावार; यांनी विद्यार्थिनीची रक्तगट तपासणी; उंची;वजन आदी तपासण्या पूर्ण केल्या यावेळी प्र.प्राचार्य डाॅ.संजय पाटील;उपप्राचार्य डाॅ.एम एम चमकुडे; डॉ. शेरीकर व्हि.जी. यांची प्रमुख उपस्थिती होती. सदरील कार्यक्रम राष्ट्रीय सेवा योजना स्तर +2 व सखी सावित्री समितीच्या वतीने आयोजित केला गेला.
यावेळी रा.से.यो. कार्यक्रमाधिकारी प्रा.शिवचरण गुरूडे ; समिती सदस्या सखी सावित्री प्रा.शोभा वद्देवार ;प्रा.सिताराम हाके; प्रा. निकिता ऐनलावार ,प्रा.चंद्रकला तोंडारे; प्रा.पूजा वाघमारे प्रा.सोमनाथ पवार आदींनी कार्यक्रम यशस्वी करण्यासाठी परिश्रम घेतले.