जिल्हाधिकाऱ्यांची धडक कारवाई.
बिलोली येथे चार विनानंबर हायवा पकडून कारवाई.
नांदेड प्रतिनिधि, दि. ०५ फेब्रुवारी :- बिलोली येथे जिल्हाधिकारी राहुल कर्डिले यांनी विनानंबरचे चार हायवा वाहने पकडून त्यांच्यावर कारवाई केली. ही वाहने विनापरवाना व अनधिकृतरीत्या वाहतूक करत असल्याचे निदर्शनास आल्यानंतर ही धडक कारवाई करण्यात आली.
जिल्हाधिकाऱ्यांच्या मार्गदर्शनाखाली एम.एच 24 बी.डब्लू. 7727, एम.एच 24 बी.डब्लू.7227, एम.एच.24 सी.ई. 7227 एम.एच. 20 जी.एस. 0793 या वाहनाचा यात समावेश आहे. या सर्व वाहनावर दंड आकारण्यात आला असून प्रादेशिक परिवहन विभागाच्या पथकास पाचारण करण्यात येऊन पुढील कायदेशीर कारवाई करण्यात आली.
यावेळी जिल्हाधिकारी राहुल कर्डिले यांनी स्पष्ट निर्देश देत सांगितले की, अवैध वाहतूक, विनानंबर किंवा बनावट नंबर असलेल्या वाहनांवर कडक कारवाई करण्यात येणार असून नियमांचे उल्लंघन कोणत्याही परिस्थितीत खपवून घेतले जाणार नाही.