नांदेड प्रतिनिधी :- सामाजिक न्याय, समता आणि भारतीय संविधानातील मानवतावादी मूल्यांच्या जपणुकीची प्रेरणा जपत दैनिक “वीर शिरोमणी” आणि “नंदगिरीचा कानोसा” या वृत्तपत्र परिवारातर्फे यंदाही “मूकनायक नॅशनल अवॉर्ड-२०२६” या राष्ट्रीय सन्मान सोहळ्याचे आयोजन करण्यात येणार आहे.
हा भव्य सोहळा दि. १८ मे २०२६ रोजी नांदेड येथे पार पडणार आहे. समाजातील वंचित, शोषित आणि उपेक्षित घटकांचा आवाज बुलंद करण्याची परंपरा जपत सामाजिक परिवर्तनाची ज्योत प्रज्वलित ठेवणाऱ्या व्यक्ती व संस्थांचा गौरव करण्यासाठी हा पुरस्कार दिला जातो.
“मूकनायक” ही संकल्पना डॉ. बाबासाहेब आंबेडकर यांच्या १९२० साली सुरू झालेल्या ऐतिहासिक चळवळीशी निगडित असून सामाजिक जागृती, शिक्षण, समता आणि मानवाधिकारांचा संदेश देशभर पोहोचविण्याचे कार्य या माध्यमातून घडले आहे.
या प्रेरणादायी परंपरेचा वारसा पुढे नेत विविध क्षेत्रात उल्लेखनीय कार्य करणाऱ्या मान्यवरांचा राष्ट्रीय स्तरावर सन्मान करण्यात येणार आहे. सामाजिक कार्य, पत्रकारिता, शिक्षण, महिला व बालहक्क, ग्रामीण व आदिवासी विकास तसेच आजीवन योगदान अशा विविध क्षेत्रांतील कार्यकर्त्यांना या पुरस्काराद्वारे गौरविण्यात येईल.
प्रस्ताव (नामांकन) सादर करण्याचे आवाहन:
या पुरस्कारासाठी पात्र व्यक्ती व संस्थांकडून प्रस्ताव मागविण्यात येत असून इच्छुकांनी आपली संपूर्ण माहिती व कार्याचा तपशील दि. ३० एप्रिल २०२६ पर्यंत निवड समितीकडे सादर करावा, असे आवाहन आयोजकांकडून करण्यात आले आहे.
निवड समिती (संपर्कासाठी):
शंकर सिंह ठाकुर – 7083685636
मारोती शिकारे – 8975730818
मनोज मोडक – 7020103946
दिपक मठपती – 9881843113
प्राप्त प्रस्तावांची छाननी स्वतंत्र तज्ञ समितीद्वारे पारदर्शक निकषांवर केली जाईल आणि समितीचा निर्णय अंतिम राहील.
पुरस्काराचे स्वरूप:
निवड झालेल्या मान्यवरांना मानचिन्ह, सन्मानपत्र, शाल-श्रीफळ प्रदान करण्यात येणार असून त्यांच्या कार्याचा विशेष लेख दैनिक “वीर शिरोमणी” आणि “नंदगिरीचा कानोसा” मध्ये प्रकाशित केला जाणार आहे.
तरी देशभरातील सामाजिक कार्यकर्ते, संस्था व विविध क्षेत्रातील मान्यवरांनी या राष्ट्रीय सन्मानासाठी आपले प्रस्ताव वेळेत सादर करून या उपक्रमात सहभागी व्हावे, असे आवाहन आयोजकांकडून करण्यात आले आहे.