कासार शिरसी प्रतिनिधी:- कासार शिरसी शहराचे ग्रामदैवत व महाराष्ट्र कर्नाटक सीमा भागातील असंख्य भाविकांचे श्रद्धास्थान असलेल्या श्रीकरी बसवेश्वर महाराज यांच्या यात्रा महोत्सवाचे शनिवार तारीख ४ पासून आयोजन करण्यात आले आहे सहा दिवस चालणाऱ्या या महोत्सवा निमित्य येथील मठात मठाधिपती गुरु मुरगेंद्र स्वामी यांच्या अधिपत्याखाली सांगली येथील वीरक्त मठाचे मठाधिपती श्री शिवलिंगेश्वर स्वामी व बागेवाडी जिल्हा
विजापूर येथील सिद्धलिंग स्वामी यांच्या प्रमुख उपस्थितीत येथील मठात नित्य महापूजा बिल्वारचन व श्री करी बसवेश्वर लीलामृत ग्रंथ पारायणासह भजन कीर्तन प्रवचनासह महाप्रसादाचे आयोजन करण्यात आले आहे या निमित्त जंगी जनावरांच्या गड्डा यात्रेसह कुस्त्यांचे आयोजन करण्यात आले आहे या पर्वणीचा लाभ भाविकांनी घ्यावा असे आवाहन यात्रा कमिटीच्या वतीने करण्यात आले आहे.
प्रति वर्षाप्रमाणे याही वर्षी कासार शिरसी येथील श्री करी बसवेश्वर यांच्या यात्रा महोत्सवास प्रारंभ होत आहे या निमित्त शनिवार तारीख चार रोजी मुरगेंद्र स्वामी यांच्या हस्ते ध्वजारोहण मंगळवार तारीख सात रोजी महापूजा बुधवार तारीख आठ रोजी बसव मूर्ती आणणे व अग्निपूजा गुरुवार तारीख 9 रात्री पालखी सोहळा व आगी तर दुपारी चार वाजता जंगी कुस्त्या सह श्री करी बसवेश्वर यात्रेनिमित्त या काळात शुक्रवार तारीख 10 पर्यंत जनावरांच्या
भव्य गड्डा यात्रा महोत्सवाचे आयोजन ही करण्यात आली आहे या चा शुभारंभ ही अनेक मान्यवरांच्या उपस्थितीत करण्यात येणार असून नित्य शहरात श्रीच्या पालखीची मिरवणूकीचे आयोजन ही करण्यात आले आहे या पर्वणीचा लाभ भाविकांनी घ्यावा असे आवाहन यात्रा कमिटीच्या वतीने करण्यात आले आहे.