अल्पभूधारक शेतकऱ्याला मदतीचा हात.
देगलूर प्रतिनिधी :- देगलूर तालुक्यातील अल्पभूधारक शेतकरी मष्णा चंदर सूर्यवंशी यांच्या घराला शॉर्ट सर्किटमुळे आग लागून मोठे नुकसान झाले होते. या संकटाच्या काळात द्वारकाधीश दहीहंडी परिवाराच्या वतीने लोकनेते आमदार प्रतापराव पाटील चिखलीकर यांच्या हस्ते सूर्यवंशी कुटुंबाला २५ हजार रुपयांची आर्थिक मदत देण्यात आली.
यावेळी बोलताना, उत्सव हा केवळ आनंद साजरा करण्यासाठी नसून समाजातील गरजू आणि संकटग्रस्त बांधवांच्या मदतीसाठीही असावा, अशी भावना व्यक्त करण्यात आली. द्वारकाधीश दहीहंडी परिवाराने सामाजिक बांधिलकी जपत केलेल्या या मदतीचे परिसरात कौतुक होत आहे.
संकटाच्या काळात दिलासा देणारी ही मदत सूर्यवंशी कुटुंबासाठी आधार ठरली असून, समाजातील इतर संस्थांनीही अशाच प्रकारे गरजूंच्या मदतीसाठी पुढे यावे, अशी अपेक्षा व्यक्त होत आहे.