देगलूर प्रतिनिधी, दि.१४ :- देगलूर टाइम्सचे संपादक गजानन टेकाळे यांची पत्रकार संरक्षण समिती (महाराष्ट्र), नांदेड जिल्हा यांच्या वतीने देगलूर तालुकाध्यक्ष म्हणून नियुक्ती करण्यात आली आहे.
पत्रकारिता क्षेत्रातील उल्लेखनीय कार्य, सामाजिक बांधिलकी आणि संघटन कौशल्याची दखल घेऊन हे पद देण्यात आले असून नियुक्तीपत्र १३ जुलै २०२६ रोजी जिल्हाध्यक्ष महेंद्र गायकवाड यांनी प्रदान केले. पत्रकारांच्या समस्या, हक्क व हिताचे संरक्षण, संघटनेचा तालुकास्तरावर विस्तार आणि नव्या पत्रकारांना संघटनेशी जोडण्याची जबाबदारी त्यांच्यावर सोपविण्यात आली आहे.
टेकाळे यांच्या नेतृत्वाखाली तालुक्यातील पत्रकारांना न्याय, संरक्षण व संघटनात्मक बळ मिळेल, असा विश्वास गायकवाड यांनी व्यक्त केला.
लवकरच तालुका कार्यकारणी पुनर्गठित करून सर्वसामान्य व पत्रकार बांधवांच्या न्यायहक्कासाठी संघटना अधिक जोमाने कार्य करेल, अशी ग्वाही नवनियुक्त तालुकाध्यक्ष गजानन टेकाळे यांनी दिली.