गांधी विचार ..
स्वावलंबन शिकवी
गांधीजींचा चरखा
प्रगती चाके फिरती
कुशल होतो नवखा
विचार असावे उच्च
रहाणीमान न् साधी
भारताभिमान सांगे
महात्माजींची खादी
अहिंसावाद जाणते
गांधींची सक्षमकाठी
अदृश्य राहून करते
वार इंग्रजाचे पाठी
बापूंजींचे चष्म्यातून
मिळे आधुनिक दृष्टी
गांधीविचार आणता
विलोभनीय रे सृष्टी
शतक लोटले तरीही
बापूजी विचार ताजे
आचरणात आणता
म्हणूं गांधींजी माझे
सत्याग्रहाचा अनुग्रह
सोडूया हिंसा स्वार्थ
गांधी जयंती साजरी
तेव्हांच साधेलं अर्थ
– हेमंत मुसरीफ पुणे.
9730306996
www.kavyakusum.com
2
गर्दी ..
सभे साठी पुरवतो
हवी तेवढी गर्दी
सदैव तयार तत्पर
गरमीअसो वा सर्दी
लुंगी धोतर विजार
सफारी सुट कधी
हवे तसले कपडे
रेशमी किंवा खादी
कशी हवेत माणसे
द्यावी सगळी यादी
केवढे हवेत ट्रक
बुकींगकरावे आधी
टेरीफ असे ठरलेले
किती कसा अवधी
कधी तरी देउनिया
पहा एखादी संधी
जसेकाम तसा वेश
शोभे माणूस अगदी
उपोषण मोर्चासाठी
काम करतो नगदी
– हेमंत मुसरीफ पुणे
9730306996.
www.kavyakusum.com