मुंबई प्रतिनिधी, दि.०५ :- महाराष्ट्र परावैद्यक परिषद अधिनियम – २०११ मधील तरतुदी नुसार राज्यामध्ये कार्यरत असलेल्या विविध संवर्गातील परावैद्यक, तंत्रज्ञ यांनी महाराष्ट्र परावैद्यक परिषदेकडे नोंदणी करणेआवश्यक आहे.
शासनाच्या वैद्यकीय शिक्षण व सार्वजनिक आरोग्य विभागास तसेच नगरपालिका, महानगरपालिका व जिल्हा परिषदेच्या आस्थापनेवर कार्यरत असणाऱ्या विविध संवर्गातील परावैद्यक तंत्रज्ञ यांची अद्यापही या परिषदेकडे नोंदणी केली नसल्याचे आढळुन आले आहे.
त्यामुळे आपल्या आस्थापनेवर कार्यरत असलेल्या सर्व परावैद्यक तंत्रज्ञानी महाराष्ट्र परावैद्यक परिषदेकडे नोंदणी करावी असे सर्व संबधीतांना सुचित करण्यात यावे .महाराष्ट्र परावैद्यक परिषद अधिनियम २०११ सोबत असलेली अनुसुची व सुधारीत अनुसुची दिनांक ११.११.२०१९ मध्ये नमुद शैक्षणिक अर्हता उत्तीर्ण असलेल्या सर्व परावैद्यक व्यवसायी यांनी नोंदणी करणे आवश्यक आहे. महाराष्ट्र परावैद्यक परिषदेने सन २०१९ पासुन नोंदणी प्रकिया सुरु केली आहे. तरी आपल्या आस्थापनेवरील बऱ्याच परावैद्यक तंत्रज्ञाची नोंदणी होऊ शकली नाही.
परावैद्यक परिषदेमध्ये प्रयोगशाळा तंत्रज्ञ/किरणोत्सार तंत्रज्ञ/ क्ष-किरण तंत्रज्ञ/रक्तपेढी तंत्रज्ञ/ऑप्टोमेट्राय तंत्रज्ञ/हृदयचिकित्सा तंत्रज्ञ इत्यादी असे एकुण २२ प्रकारची परावैद्यक तंत्रज्ञाची नोंदणी
केली जाते. सदर बाबत शासन पातळीवर शासन मान्य कोर्स केलेले तंत्रज्ञ हे नोंदणीपासुन वचित राहतात व शासकीय सेवे पासुन वंचित राहतात. शासनमान्य नोंदणीकृत तंत्रज्ञाकडुन परावैद्यक सेवा प्राप्त रुग्णांना प्राप्त व्हावी म्हणुन परावैद्यक तंत्रज्ञाच्या नोंदणीसाठी सक्तीचे आदेश व्हावे.
तसेच शासकियसेवे/निमशासकीय सेवे मध्ये आयुष विभागा कडील सार्वजनीक आरोग्य विभाग/तसेच खाजगी आस्थापनामध्ये नोंदणीकृत परावैद्यक सेवा घेण्याविषयी हे आदेश व्हावेत, अशी आपणास परिषदेकडुन विनंती करीत आहोत.तसेच आपल्या आस्थापनेवर असलेल्या सर्व परावैद्यक तत्रंज्ञ/अधिकारी/सहाय्यक यांच्या पदांचे सेवाभरती नियमामध्ये “महाराष्ट्र परावैद्यक परिषदेची नोंदणी आवश्यक” अशी सुधारणा करण्यात यावी.
जेणे करुन नोंदणीकृत परौवद्यक व्यवसायी यांना शासकीय नोकरीचा लाभ होईल. अशी सुधारणा करण्यातबाबतचा प्रस्ताव शासनास पाठविण्यात यावा व त्याची प्रत या परिषदेस पाठविण्यात यावी. परिषदेकडुनही या प्रस्तावाचा भविष्यात पाठपुरावा करण्यात येईल. अशा आशयाचे परिपत्रक काढून मा.प्रधान सचिव वैद्यकीय शिक्षण औषधी द्रव्य मंत्रालय, माननीय. सचिव ग्रामविकास विभाग / नगर विकास विभाग मंत्रालय माननीय. आयुक्त संचलनालय, माननीय. संचालक संचालनालय, माननीय आयुक्त महानगरपालिका (सर्व २७ विभाग) ,माननीय. आरोग्य जिल्हाधिकारी परिषद (सर्व ३६ जिल्हे ),माननीय. मुख्याधिकारी अधिकारी जिल्हा परिषद (सर्व ३६ जिल्हे) यांच्याकडे पाठवण्यात आले आहेत.
