देगलूर प्रतिनिधी, दि.१९ :- दुचाकी चालविताना हेल्मेटची व चार चाकी वाहन चालवताना सीट बेल्टची किती आवश्यकता आहे या अनुषंगाने रस्ता सुरक्षा अभियानांतर्गत सर्वसामान्य नागरिकांमध्ये प्रसार व प्रबोधन करण्यासाठी आज
गुरुवार दि. १९ जानेवारी रोजी सकाळी सकाळी नऊ वाजता देगलूर महाविद्यालय ते नवीन बस स्थानक पर्यंत रस्ता सुरक्षा हेल्मेट रॅली आयोजित करण्यात आली आहे. या रॅलीत जास्तीत जास्त नागरिकांनी सहभागी होण्याचे आवाहन प्रादेशिक परिवहन कार्यालय नांदेड व येथील न्यू परफेक्ट मोटर ड्रायव्हिंग स्कूल च्या वतीने करण्यात आले आहे.
गाडी चालविताना मोबाईलचा वापर करू नये व मद्यपान करून गाडी चालवू नये याशिवाय हेल्मेट व सीट बेल्ट ची किती उपयुक्त आहे .या दृष्टिकोनातून गुरुवारी सकाळी सहाय्यक दिवाणी न्यायाधीश श्रीमती रफिया खान यांच्या हस्ते हिरवा
कंदील दर्शवून रस्ता सुरक्षा हेल्मेट रॅली काढण्यात येणार आहे. त्यानंतर देगलूर महाविद्यालयात गुरुवारी सकाळी नऊ वाजता दिवाणी न्यायाधीश अमितसिंह मोहने यांच्या अध्यक्षतेखाली हेल्मेट संदर्भात प्रबोधनाचे कार्यक्रम आयोजित केला आहे.
यावेळी उपा. प्रादेशिक परिवहन अधिकारी अविनाश राऊत, तहसीलदार राजाभाऊ कदम, पोलीस निरीक्षक सोहन माछरे, मुख्याधिकारी गंगाधर ईरलोड, देगलूर महाविद्यालयाचे प्राचार्य डॉ. मोहन खताळ यांची उपस्थिती लाभणार असून
मोटार वाहन निरीक्षक भरत गायकवाड व धीरज गवळी यांनी मार्गदर्शन करणार आहेत तरी या रॅलीस व प्रबोधन ऐकण्यासाठी जास्तीत जास्त नागरिकांनी सहभाग नोंदवा असे आवाहन आयोजकाकडून करण्यात आले आहे.
