देगलूर: येथील देगलूर महाविद्यालयातील शिक्षक शिक्षकेतर कर्मचारी जुनी पेन्शन राज्यव्यापी संपात सहभागी झाले आहेत.
महाराष्ट्र राज्य कनिष्ठ महाविद्यालयीन शिक्षक महासंघ व कनिष्ठ महाविद्यालयीन शिक्षक संघटना यांच्या आदेशान्वये दि १४ मार्च पासून सुरू झालेल्या राज्यव्यापी जुनी पेन्शन योजना संपात देगलूर महाविद्यालयातील सर्व शिक्षक शिक्षकेत्तर कर्मचारीवर्ग जुनी पेन्शन मिळालीच पाहिजे या व इतर मागण्या करीत महाविद्यालयातील सर्व कामावर बहिष्कार टाकत संपात सहभागी झाले आहेत.
संपात सहभागी होताना स्थानिक कनिष्ठ महाविद्यालयीन शिक्षक संघटनेचे अध्यक्ष तथा संप समन्वयक प्रा.डॉ शेरीकर व्ही जी व सहायक प्रा भुरे तसेच संघटनेचे पदाधिकारी प्रा.दासरवार प्रा.संतोष वानोळे यांनी संप सहभागाविषयीची माहिती सर्व शिक्षक वर्गाना दिली. तसेच प्राचार्याना दिलेल्या निवेदनानुसार कामा वर बहिष्कार टाकत कनिष्ठ महाविद्यालयीन ३२ शिक्षक कडकडीत बंद करून कार्यालयाच्या दर्शनी भागात धरणे धरून बसले आहेत.
