नांदेड प्रतिनिधी, दि.३१:- नांदेड पोलीस दलातर्फे तक्रार निवारण दिनांचे अनुषंगाने वरिष्ठ ५४ व स्थानिक २८० असे एकुण ३३४ अर्ज निकाली काढण्यात आले.याबाबत सविस्तर वृत्त असे की,
मा. श्री अबिनाश कुमार, पोलीस अधीक्षक, नांदेड यांनी सर्व पोलीस स्टेशन प्रभारी अधिकारी यांना दर शनिवारी नागरिकांच्या तक्रार निवारणाच्या अनुषंगाने मोहिम राबविणे बाबत आदेश दिले होते.
सदर अर्ज वेळेत निकाली काढणे बंधनकारक असल्याने मा. श्री अबिनाश कुमार, पोलीस अधीक्षक, नांदेड यांनी सर्व प्रभारी अधिकारी यांना सदर तक्रारी अर्ज तात्काळ निकाली काढण्यासाठी सुचना दिल्या होत्या.
त्या अनुषंगाने दिनांक २३ ते दिनांक २९ मार्च दरम्यान जिल्हयातील सर्व पोलीस स्टेशन येथे तक्रार निवारणाची मोहिम राबविण्यात आली त्यामध्ये जिल्हयात एकुण स्थानिक ५४ व वरिष्ठ २८९ असे एकुण ३३४ अर्ज निकाली काढण्यात आले आहेत.
तसेच यापुढे दर शनिवारी नांदेड पोलीसांकडुन तक्रार निवारणाची मोहिम राबविण्यात येणार असुन नांदेड जिल्हयातील सर्व नागरीकांनी त्यांनी दिलेल्या तक्रारीच्या अनुषंगाने संबधीत पोलीस स्टेशन येथे जावुन त्यांनी दिलेल्या तक्रारीचे निवारण करून घेण्यात यावे, असे मा. पोलीस अधीक्षक, नांदेड यांनी आवाहन केले आहे.
सदरची कामगीरी सर्व उपविभागीय पोलीस अधिकारी नांदेड, तसेच सर्व पोस्टेचे पोलीस अधिकारी व अमंलदार यांनी केली आहे. सदर कामगिरी बाबत मा. अबिनाश कुमार, पोलीस अधीक्षक, नांदेड यांनी कौतुक केले आहे.
