देगलूर प्रतिनिधी,दि.१३:- देगलूर कॉलेज अंतर्गत राष्ट्रीय छात्र सेना ग्रुप तर्फे आज, १२ ऑगस्ट २०२५ रोजी नवीन बस स्थानक परिसरात स्वच्छता मोहीम राबविण्यात आली.
या उपक्रमात देगलूर शहरातील प्रतिष्ठित व्यक्तींनी तसेच माननीय उपजिल्हाधिकारी, तहसीलदार, गटविकास अधिकारी आणि पोलीस विभागाने उत्साहाने सहभाग घेतला.
या मोहिमेदरम्यान परिसराची स्वच्छता करून नागरिकांमध्ये स्वच्छतेबाबत जनजागृती करण्यात आली. पोलिस स्टेशन देगलूरचे पोलीस निरीक्षक यांच्यासह अनेक अधिकारी
आणि स्वयंसेवकांनी स्वच्छतेचे महत्त्व अधोरेखित करत नागरिकांना या अभियानाशी जोडण्याचे आवाहन केले.