तालुक्यात जि.प.भक्तापूरची शाळा प्रथम
देगलूर दि.३१ : समाजात वावरताना अलीकडे विज्ञान,तंत्रज्ञानाचा मोठा वावर,वापर दिसून येत आहे यामुळे समाजात तसेच विद्यार्थ्यांत विज्ञानाचे महत्त्व पटवून देण्यासाठी नाट्य अभिनय एक मोठे माध्यम आहे असे प्रतिपादन प्रा.महेश कुलकर्णी यांनी केले ते गटशिक्षणाधिकारी पंचायत समिती कार्यालय देगलूर आयोजित राष्ट्रीय विज्ञान नाट्योत्सव स्पर्धेचे परीक्षण करून मार्गदर्शनपर भाषणात बोलत होते.
गटशिक्षणाधिकारी पंचायत समिती देगलूर यांच्यातर्फे दि. २८.८.२०२५ रोजी येथील सावित्रीबाई फुले मा.विद्यालयात राष्ट्रीय विज्ञान नाट्योत्सव स्पर्धा आयोजित करण्यात आल्या
प्रारंभी या स्पर्धेचे उद्घाटन गटशिक्षणाधिकारी कृष्णा तोटावार यांच्या हस्ते झाले.प्रारंभी सावित्रीबाई फुले यांच्या प्रतिमेचे पुजन झाले.
या स्पर्धेत भक्तापूरच्या जिल्हा परिषद शाळेने प्रथम क्रमांक पटकाविला आहे .द्वितीय क्रमांक सावित्रीबाई फुले मा.विद्यालय यांनी पटकाविला आहे.
सदरील स्पर्धा पावसात पार पडल्या विद्यार्थ्यानी बाहेर गावाहून येऊन उत्स्फूर्त प्रतिसाद नोंदविला प्राथमिक.विद्यालयाचे पाटील सर यांनी स्पर्धेच्या प्रास्ताविकात विज्ञान नाट्योत्सव स्पर्धाआयोजनाची भूमिका विषद केली.तर केंद्रप्रमुख किसवे आर.पी. यांनी स्पर्धेचे नियम व अटी सांगून मनोगत व्यक्त केले.
यावेळी व्यासपीठावर सावित्रीबाई फुले विद्यालयाचे मुख्याध्यापक वाय.गजभारे स्पर्धेचे परीक्षक प्रा.कपिल तोटावार,श्रीमती प्रा.पाटील एस.के.होते स्पर्धा यशस्वी पारपडण्याकरिता साधन व्यक्ती फरकुडे पी. ए., पडलवार व्हि.जी. यांनी परिश्रम घेतले
या कार्यक्रमास पाळेकर सर, विज्ञान शिक्षक चिद्रावार सर शाळेतील शिक्षक,शिक्षकेतर कर्मचारी, विद्यार्थी उपस्थित होते.