धोकादायक DP वर नागरिकांची तक्रार
देगलूर प्रतिनिधी दि.०४:- देगलूर येथील आनंद नगर भायगाव रोड या भागात डीपी क्रमांक २८, नवीन भायेगाव रोड, आनंद नगर, देगलूर येथे डीपी क्रमांक २८ येथे उघड्यावर वायरी लोंबकळत असल्याने तसेच झाकण नसल्याने परिसरातील लहान मुलांचे व नागरिकांचे जीव धोक्यात आले आहेत.
थ्री-फेस पुरवठा असूनही टू-फेस वर लाईन चालवली जात आहे. या धोकादायक परिस्थितीवर लाईनमन उडवा-उडवीची उत्तरे देत असून “हे अधिकाऱ्यांच्या हातात आहे” असे सांगितले जात असल्याचे नागरिकांनी सांगितले.
या ठिकाणी लहान मुलांचा हात लागू शकतो, शॉर्टसर्किट होण्याचा किंवा अपघात होण्याचा मोठा धोका आहे. एमएसईबी विभागाचे हे जाणीवपूर्वक दुर्लक्ष असल्याची नाराजी नागरिकांनी व्यक्त केली आहे.
नागरिकांनी तात्काळ दुरुस्ती करण्याची मागणी केली आहे. अन्यथा अपघात घडून एखाद्याचा जीव गेला तर त्याची जबाबदारी संबंधित अधिकाऱ्यांवर राहील असे नागरिकांचे म्हणणे आहे.