“देगलूरला हवी नवी दिशा, नव्या विचारांची साथ” — विजय सोमे यांना नगरसेवकपदासाठी युवकांची मागणी.
देगलूर (प्रतिनिधी), दि.२३:- देगलूर नगरपरिषद निवडणुकीच्या तोंडावर शहरातील राजकीय वातावरण चांगलेच तापू लागले आहे. चर्चेचा केंद्रबिंदू ठरत आहे .एक नवं नाव — विजय सोमे. प्रभाग क्रमांक ३ आणि ४ मधील नवतरुणांमध्ये आज एकाच आवाजात मागणी होत आहे — “विजय सोमे यांनीच नगरसेवक पदाची निवडणूक लढवावी!”
मुंबईसारख्या महानगरात एका नामांकित कंपनीत वरिष्ठ पदावर कार्यरत असलेले विजय सोमे हे व्यावसायिक यशासोबतच सामाजिक बांधिलकी जपणारे व्यक्तिमत्व म्हणून ओळखले जातात. शहरातील शिक्षण, क्रीडा आणि युवक कल्याणाच्या विविध उपक्रमांमध्ये त्यांचा सातत्याने सहभाग राहिला आहे.
“विचारशील, प्रामाणिक आणि सर्वसामान्यांचा माणूस” — अशी ओळख असलेले सोमे हे युवकांमध्ये प्रेरणास्त्रोत मानले जातात. ते तरुणांच्या प्रत्येक चांगल्या उपक्रमात सहभागी होत असतात आणि त्यांच्या समस्यांवर तत्परतेने प्रतिसाद देतात. त्यामुळे आज त्यांना “तरुणाईचा ताईत” म्हणून संबोधले जात आहे.
प्रभागातील अनेक युवकांनी सांगितले, “शहराच्या विकासासाठी नवी ऊर्जा आणि नव्या विचारांची गरज आहे. विजय सोमे यांच्या रूपाने ते दोन्ही घटक देगलूरला मिळू शकतात.”
स्थानिक पातळीवर विकासाच्या विषयांवर काम करणारा, लोकांशी थेट संवाद साधणारा आणि प्रामाणिक दृष्टिकोन असलेला उमेदवार म्हणून सोमे यांच्याकडे मतदारांचे लक्ष वेधले जात आहे.
आगामी निवडणुकीत नवा चेहरा, नवा विचार आणि नवा दृष्टीकोन देगलूरच्या राजकारणात उतरावा, अशी तरुणांची भावना आता अधिक ठळकपणे व्यक्त होत आहे. विजय सोमे हे त्या भावनेचं प्रतीक ठरत आहेत — “विकासाचा विजय सोमे!”