भाजपच्या आढावा बैठकीसाठी इच्छुक उमेदवारांना उपस्थित राहण्याचे आवाहन!
देगलूर (प्रतिनिधी)दि.२६:- देगलूर विधानसभा क्षेत्रातील सर्व भाजपा कार्यकर्ते, पदाधिकारी आणि इच्छुक बांधवांना कळविण्यात येते की, येत्या दि. २७ ऑक्टोबर २०२५ (सोमवार) रोजी आदरणीय आमदार श्री. जितेशराव रावसाहेब अंतापूरकर यांच्या निवासस्थानी, देगलूर येथे महत्त्वाची आढावा बैठक आयोजित करण्यात आली आहे.
या बैठकीत जिल्हा परिषद, पंचायत समिती तसेच देगलूर नगरपालिका निवडणुका या अनुषंगाने विविध विषयांवर चर्चा करण्यात येणार असून, इच्छुक उमेदवारांनी आपले उमेदवारी अर्जासह प्रत्यक्ष उपस्थित राहणे अनिवार्य आहे.
सदर बैठकीस सकाळी १०:०० वाजता सुरुवात होणार असून, सर्व इच्छुकांनी वेळेवर उपस्थित राहून बैठकीच्या यशस्वी आयोजनास सहकार्य करावे, असे आवाहन भाजपा पक्षातर्फे करण्यात आले आहे.