देगलूर प्रतिनिधी,दि.०६:-देगलूर नगर परिषदेच्या नव्याने निवडून आलेल्या लोकनियुक्त पहिल्या महिला नगराध्यक्ष सौ. विजया्माला बालाजी टेकाळे यांच्या पदग्रहण सोहळ्याचे आयोजन बुधवार, दिनांक ०७ जानेवारी २०२६ रोजी सकाळी १० वाजता नगर परिषद देगलूर येथे करण्यात आले आहे.
या पदग्रहण सोहळ्यास नांदेड जिल्ह्याचे माजी खासदार मा. श्री. प्रतापराव पाटील चिखलीकर यांच्या प्रमुख उपस्थितीत हा कार्यक्रम संपन्न होणार असून, शहराच्या विकासासाठी नवी दिशा देण्याचा निर्धार यावेळी व्यक्त केला जाणार आहे.
कार्यक्रमास प्रमुख पाहुणे म्हणून माजी खासदार, आमदार, भाजपचे जिल्हा व प्रदेश स्तरावरील पदाधिकारी, नगरसेवक व नगरसेविका, तसेच विविध सामाजिक व राजकीय क्षेत्रातील मान्यवर उपस्थित राहणार आहेत.
देगलूर शहराच्या सर्वांगीण विकासासाठी एकत्रितपणे काम करण्याचा संकल्प या पदग्रहण सोहळ्यातून करण्यात येणार आहे.
या ऐतिहासिक सोहळ्यास देगलूर शहरातील नागरिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.