नांदेड प्रतिनिधी दि.२५ :- आठवे अखिल भारतीय गुरु रविदास साहित्य संमेलन पूर्वतयारीची बैठक सोमवार दिनांक २६ जानेवारी २०२६ रोजी दुपारी ३ वाजता राधाई अर्बन बँकेच्या शेजारील सभागृह, सतपाल प्लाजा, शेतकरी पुतळ्याजवळ, तरोडा नाका नांदेड येथे आयोजित करण्यात आली आहे.
येत्या १५ फेब्रुवारी रोजी नांदेड येथे आठवे अखिल भारतीय गुरु रविदास साहित्य संमेलन आयोजित करण्यात आले असून हे साहित्य संमेलन यशस्वी करण्यासाठी विविध समित्यांची निवड सोमवारच्या बैठकीत करण्यात येणार आहे.
वीर कक्कय्या, गुरु रविदास आणि संत सेवालाल महाराज यांच्या तारखेनुसार होणाऱ्या जयंतीनिमित्त हे परिवर्तनवादी विचारांचे साहित्य संमेलन नांदेड येथे होणार आहे. याच्या पूर्वतयारीसाठी ही व्यापक बैठक आयोजित करण्यात आली आहे.
सोमवार दिनांक २६ जानेवारी रोजी दुपारी तीन वाजता राधाई अर्बन बँकेचे सभागृहात आयोजित या बैठकीस वेळेवर उपस्थित राहण्याचे आवाहन मुख्य संयोजक इंजि. चंद्रप्रकाश देगलूरकर यांनी केले आहे.