केज प्रतिनिधी :-
केज येथील अतिरिक्त जिल्हा न्यायालय परिसरातील नवीन न्यायालयीन इमारतीच्या दुसऱ्या मजल्याचा कोनशिला समारंभ येत्या रविवारी,दि.२९ मार्च २०२६ रोजी आयोजित करण्यात आला आहे. सकाळी १०-३० वाजता हा सोहळा पार पडणार असल्याची माहिती निमंत्रकांकडून देण्यात आली आहे.कोनशिला समारंभ कार्यक्रमाला उच्च न्यायालयाचे न्यायमूर्ती राहणार उपस्थित रहाणार आहेत.
या कार्यक्रमाचे उद्घाटन मुंबई उच्च न्यायालयाचे माननीय न्यायमूर्ती श्री. किशोर चंद्रकांत संत आणि माननीय न्यायमूर्ती श्री.अभय ज. मंत्री यांच्या शुभहस्ते संपन्न होणार आहे. तसेच,या प्रसंगी माननीय न्यायमूर्ती श्री.सिद्धेश्वर सुंदरराव ठोंबरे (मुंबई उच्च न्यायालय) यांची सन्माननीय उपस्थिती लाभणार आहे.प्रमुख उपस्थितीमध्ये राजस्थान ऊच्च न्यायालयाचे निवृत्त मुख्य न्यायमूर्ती श्री.संभाजीराव शिवाजीराव शिंदे हे प्रमुख पाहुणे म्हणून उपस्थित राहणार आहेत.
तसेच नियोजन बीड चे प्रमुख जिल्हा व सत्र न्यायाधीश श्री.आनंद लक्ष्मीचंद यावलकर यांच्या अध्यक्षतेखाली हा कार्यक्रम पार पडणार आहे.कार्यक्रमाचे निमंत्रक म्हणून जिल्हा न्यायाधीश-१ तथा अतिरिक्त सत्र न्यायाधीश श्री.सुधीर बाबूराव भाजीपाले आणि केज वकील संघाचे अध्यक्ष अॅड.महादेव संपतराव लाड यांनी काम पाहिले आहे.न्यायालयीन कामकाजासाठी आवश्यक असलेल्या या विस्तारीकरणामुळे केज परिसरातील पक्षकार आणि वकिलांची मोठी सोय होणार आहे.
या ऐतिहासिक सोहळ्यास जास्तीत जास्त नागरिकांनी व कायदे तज्ज्ञांनी उपस्थित राहावे, असे आवाहन संयोजकांच्या वतीने करण्यात आले आहे.या कार्यक्रमाचे स्थळ अतिरिक्त जिल्हा व सत्र न्यायालय परिसर,केज, असुन रविवार,दि.२९ मार्च २०२६,सकाळी १०-३० वाजता हा समारंभ संपन्न होणार आहे.