वाहन खरेदीचा व्यवहार आणि ९७ लाखाची फसवणूक…
पुणे प्रतिनिधी : वाहन खरेदीच्या व्यवहारात विश्वास संपादन करून तब्बल ९७ लाख रुपयांची फसवणूक केल्याचा प्रकार डेक्कन परिसरात उघडकीस आला आहे. या प्रकरणी दोघांविरुद्ध गुन्हा दाखल करण्यात आला आहे. याप्रकरणी पोलिसांकडे तक्रार अर्ज दाखल करण्यात आला होता.
त्याचा तपास करून हा गुन्हा नोंदवण्यात आला.संजय ब्रम्हानंद अगरवाल (रा. एलफिस्टन रोड, कुंदन होम, खडकी), मोहम्मद बागवान (रा. रेल्वे गेटजवळ, सरीता अपार्टमेंट, कासारवाडी) अशी गुन्हा दाखल झालेल्यांची नावे आहेत. याप्रकरणी नयन बलबीर अगरवाल (वय २८, रा. आरती अपार्टमेंट, दत्त मंदिर, एरंडवणे) यांनी फिर्याद दिली आहे.
याप्रकरणी भान्यासं ३१६(२), ३१६(५) ३१८(४) अन्वये गुन्हा नोंदवण्यात आला आहे. हा प्रकार आरती अपार्टमेंट, गनगोटे पथ कमला नेहरु चौक दत्त मंदिर, एरंडवणे याठिकाणी सप्टेबर २०२२ ते ०३ एप्रिल २०२६ या कालावधीदरम्यान घडला.