भगवान श्रीकृष्ण आश्रम,केज येथे आषाढी एकादशी निमित्त भव्य कीर्तन सोहळा व फलाहार महाप्रसादाचे आयोजन.
श्री ह.भ.प.केशव महाराज शास्त्री यांचे होणार कीर्तन; भाविकांनी मोठ्या संख्येने उपस्थित राहण्याचे आवाहन.
केज प्रतिनिधी : आषाढ शुद्ध एकादशी देवशयनी एकादशीच्या पावनपर्वावर शनिवार, दि.२५ जुलै २०२६ रोजी भगवान श्रीकृष्ण आश्रम,बीड रोड,केज येथे भव्य आषाढी एकादशी महोत्सवाचे आयोजन करण्यात आले आहे.या महोत्सवामध्ये विशेष कीर्तन आणि महाप्रसाद (फलाहार) कार्यक्रमाचे आयोजन करण्यात आले आहे.
या सोहळ्यात भागवत भूषण ह.भ.प.श्री. केशव महाराज शास्त्री संस्थापक अध्यक्ष भगवान श्रीकृष्ण आश्रम,केज यांचे सुश्राव्य कीर्तन होणार आहे.कीर्तनाची वेळ सकाळी ११ ते दुपारी १ वाजेपर्यंत ठेवण्यात आली आहे.तसेच आरोग्य सल्लागार श्री.बबनराव ढाकणे सर,कांचन फिटनेस & वेलनेस सेंटर, अंबाजोगाई यांच्या वतीने महाप्रसाद (फलाहार)होईल.
आषाढी एकादशीच्या या पवित्र प्रसंगी परिसरातील सर्व भाविक-भक्तांनी कीर्तन श्रवणाचा व महाप्रसाद (फलाहाराचा) लाभ घ्यावा,असे आवाहन भगवान श्रीकृष्ण आश्रमाच्या वतीने करण्यात आले आहे.
भगवान श्रीकृष्ण आश्रम येथे श्रीकृष्ण मंदिराचे बांधकाम भव्यदिव्य स्वरूपात साकारत आहे. बांधकाम प्रगतीपथावर आहे.यामुळे केज तालुक्याच्या वैभवात भर पडणार आहे.सर्व भाविक भक्तांच्या सहकार्यातून हे काम होत आहे.