गणगापूर दत्तक्षेत्रात दंडी सुदर्शन स्वामीजींच्या मार्गदर्शनाखाली पाचव्या चातुर्मास दीक्षेला प्रारंभ।
बांसवाडा प्रतिनिधि विश्वंभर कुलकर्णी:-
श्री श्री श्री सुदर्शन आश्रमाचे पूज्य दंडी सुदर्शन स्वामीजी (काशी) यांच्या मार्गदर्शनाखाली गणगापूर दत्तक्षेत्रातील अमरजा-भीमा संगम येथे पाचव्या चातुर्मास दीक्षेला प्रारंभ झाला आहे. ही चातुर्मास दीक्षा गुरुपौर्णिमा (२९ जुलै) ते भाद्रपद पौर्णिमा (२६ सप्टेंबर २०२६) या कालावधीत दोन महिने चालणार आहे. यावेळी ज्येष्ठ पत्रकार विद्यासाई, विश्वंभरराव कुलकर्णी तसेच बांसवाडा येथील अनेक स्थानिक भक्तांनी स्वामीजींचे दर्शन घेऊन आशीर्वाद प्राप्त केले.
यावेळी बोलताना दंडी सुदर्शन स्वामीजी म्हणाले की, ही चातुर्मास दीक्षा संपूर्ण विश्वाच्या कल्याणासाठी करण्यात येत आहे. गणगापूर दत्तक्षेत्रातील पवित्र अमरजा-भीमा संगमात स्नान, कर्मयोग साधना आणि निर्गुण पादुकांचे दर्शन घेतल्याने भक्तांना आध्यात्मिक उन्नती, पापक्षय आणि मोक्षप्राप्तीचे पुण्य लाभते. तसेच श्री कल्लेश्वर स्वामींच्या दर्शनाने संपूर्ण तीर्थयात्रेचे पुण्य प्राप्त होते आणि पूर्वजन्मातील दोषांपासून मुक्ती मिळून सौभाग्याची प्राप्ती होते, असे त्यांनी सांगितले.
दंडी सुदर्शन स्वामीजी यांनी गणगापूर येथील आश्रमात येणाऱ्या भाविकांसाठी भोजन व निवासाची विनामूल्य व्यवस्था करण्यात आल्याची माहिती दिली.